پارتیا کارکەرێن کوردستانێ (پەکەکە)، ب دەھان ئەندام و کادرۆیێن یەنەکێ ب تۆمەتا سیخوریکرنا ژ بۆ ترکیێ تۆمەتبار دکە.
رێڤەبەرێ کۆمپانیا چەتر کەمال حەمە رەزا کو ئەو کۆمپانیا سەر ب پەکەکێ یە و بەرپرسێ تۆرا راگەھاندنا پەکەکێ ل ھەرێما کوردستانێیە، د ھەڤپەیڤینەکێ دە ل گەل کانالەکێ سلێمانیێ دبێژە، ت پرسگرێکەکا وان یا سیاسی ل گەل یەنەکێ تنە.
ھەروەھا کادرۆیێن یەنەکێ تۆمەتبار کرن و راگەھاند: “د ناڤا یەنەکێ دە ئەز پشتراستم کو ب دەھان خەتێن جودا ھەنە، ئەو ژی کار ژ بۆ وان سازیان دکن کو مژوولێ تۆرێن جاسووسی و سیخوریێ نە کو ئەو تەنێ سیخوریێ ل دژی مە نە، ل دژی یەنەکێ بخوە ژی دکن.”
وی بەرپرسێ پەکەکێ دەربارێ ئارمانجگرتنا ئەندام و کادرۆیێن پەکەکێ ل ناڤچەیێن بن دەستێ ھێزێن ئەولەھیا یەنەکێ دە ژی گۆت: “گومان تنە کو سەدی 100 دەستەکی ناڤخوە کو زانیاریان ددە میتێ ھەیە.”
تۆمەتبارکرنا ب دەھان ئەندام و کادرۆیێن یەنەکێ وەک سیخورێن ترکیێ ژ ئالیێ پەکەکێ ڤە، د دەمەکی دەیە کو یەنەکە بەردەوام د چاپەمەنیا خوە دە ئالیێن دن تۆمەتبار دکە کو قاشۆ ژ بەر کو ئالیێن دن سیخوریێ دکن بەرپرس و چەکدارێن پەکەکێ دبن ئارمانجا ئێریشێن ترکیێ، لێ ژ ئالیێ دن ڤە دەرڤەیی یەنەکێ ت پارتیەکی ل سینۆرێ سلێمانیێ ھێز و سازیێن ئەولەھیێ تنە نە و ت پارتیەک ژی وەک یەنەکێ ئەوقاس دەستھلاتا بەرفرەھ ل دەڤەرێ تنە کو چاڤدێریا چەکدارێن ھێزەکە وەک پەکەکێ بکە.
