رێخستنا چەتە یا ب ناڤێ “جوانێن شۆرەشگەر” یا سەر ب پارتیا کارکەرێن کوردستانێ ب ئارمانجا تەڤلیکرنا ناڤا رەفێن پارتیێ، زارۆکەکی دن ژ باژارێ حەسەکێ رەڤاند.
تۆرا سووری یا چاڤدێریا مافێن مرۆڤان راگهاند، وان رەڤاندنا زارۆکێ 14 سالی ب ناڤێ محەمەد عیماد سەلیم ل کامپا ئەل-تەلای ل باژارێ حەسەکێ د 9 ئیلۆنێ دە بەلگە کریە. ھات راگھاندن کو ئەڤ زارۆک کۆچبەرێ باژارێ سەرێ کانیێ یە و ل گەل مالباتا خوە ل کامپا ئەل-تەلای ل حەسەکێ دمینە، ئەو سێوییە، بابێ وی نەخوەشە و زلامەکی پیرە.
تۆرەیێ دا زانین کو تەڤی ھەولدانا مالباتا وی و سەرەدانا ناڤەندێن گرێدایی پارتیا یەکیتیا دەمۆکراتیک و ھێزێن سووریەیا دەمۆکراتیک، ھەتا نھا مالباتا وی نەکاریە ت ئاگاھیەکێ د دەربارێ چارەنڤیسا کورێ خوە ب دەست بخە.
تێ زانین فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
ل گۆری چاڤدێران ئارمانجا چەتەیێن ب ناڤێ “جوانێن شۆرەشگەر” ژ رەڤاندنا زارۆکێن تەمەن بچووک، شووشتنا مەژیێ زارۆکان ل گۆر بیردۆزیێن پارتیا کارکەرێن کوردستانێ و تەڤلیکرنا وان د ناڤا رەفێن لەشکەری یێن پارتیێ دەیە.
