مەدیایا ترکیەیێ بەلاڤ کر، ئیستخباراتا نەتەوەیی (میتێ)، یەک ژ بەرپرسێن په‌كه‌كێ یێ ب ناڤێ خەلیل ییگیت ب ئۆپەراسیۆنەکێ ل چیایێ گاره‌ی کوشت.
ل گۆری مەدیایا ترکیەیێ، میتێ د ئەنجاما خەباتێن ئیستخباری دە، جهێ خەلیل ییگیت «هۆگر پیرۆسی» ل چیایێ گاره‌ی دیار کریە و د ئۆپەراسیۆنەکە ئاسمانی دە کوشتیە.
دیار کر ژی، ییگیت ل شرنەخێ د 2007ان دە تەڤلی په‌كه‌كێ بوویە و ئەو بەشداری چالاکیێن چەکداری ل سیلۆپیا ناڤچەیا شرنەخێ بوویە و د شەرێ خەندەكان دە ژی چالاکیێن ل دژی هێزێن ئەولەکاریێ ئۆرگەنیزە کرنە.
ئاماژە ب وێ ژی کر، ییگیت د 2018ان دە ژی ل سووریەیێ د بن بانێ یه‌په‌گێ دە چالاکی کرنە و هەری داوی ژی ل چیایێ گاره‌ی یێ ل باشوورێ کوردستانێ خەباتا خوە مەشاندیە.
وەزارەتا بەرەڤانیێ یا ترکیەیێ دوهـ راگهاندبوو کو وان 24 چەپەرێن په‌كه‌كێ ل چیایێن خەوکورک، قەندیل، ئاسۆس و گارێ ژناڤ برنە و هەژمارەک چەکدارێن په‌كه‌كێ ژی کرنە ئارمانج.
