ل کەرکووک و پارێزگەھێن دن یێن ئیراقێ ئیرۆ 22 ئیلۆنێ، سالا نوویا پەروەردەیێ یا 2024-2025، دەست پێ دکە. ل کەرکووکێ ئیسال 100 ھەزار خوەندەکار دێ بەشداری پەروەردەیا کوردی ببن.
رێڤەبەرێ پەروەردەیا کوردی ل پارێزگەھا کەرکووکێ کامەران عەلی راگھاند، ئیسال ژ وان 100 ھەزار خوەندەکارێن کو بەشداری پەروەردەیا کوردی بوونە، 10 ھەزار خوەندەکار یێن سالا یەکەمن.
ل پارێزگەھا کەرکووکێ 555 دبستان و باخچەیێن زارۆکان ھەنە کو سەر ب رێڤەبەریا پەروەردەیا کوردی نە و زێدەتری 8 ھەزار مامۆستا و کارمەند ژی سەر ب ڤێ رێڤەبەریێ نە کو مووچەیێن وان ژ ئالیێ حکوومەتا ھەرێما کوردستانێ ڤە تێن دایین.
