کۆمسیۆنا بلندا سەربخوە یا هلبژارتنان یا ئیراقێ راگهاند، کامپانیایا هلبژارتنێن پارلامەنتۆیا کوردستانێ سبە چارشەمێ 25ێ ئیلۆنێ دەست پێ دکە و دێ 15ێ جۆتمەهێ بداوی ببە.
سەرۆکێ کۆمیسیۆنا بلندا سەربخوە یا هلبژارتنان یا ئیراقێ دادوەر عۆمەر ئەحمەد ئیرۆ 24ێ ئیلۆنێ د کۆنفەرانسەکە رۆژنامەڤانی دە راگهاند، ئەنجوومەنا کۆمسیاران ئیرۆ جڤیا و لیستەیا 1190 نامزەدێن هلبژارتنێن پارلامەنتۆیا كوردستانێ پەسەند کرن.
ل گۆری دادوەر عۆمەر ئەحمەد، ل گۆر بریارا ئەنجوومەنا کۆمیسەران، سبە چارشەمێ 25ێ ئیلۆنێ کامپانیایا هلبژارتنێن پارلامەنتۆیا کوردستانێ دەست پێ دکە و دێ هەتا 15ێ جۆتەمەهێ دێ بەردەوام بە.
هەروها گۆت: کۆمسیۆنا بلندا هلبژارتنان ژ بۆ جیبجیکرنا بەرنامەیا هەلبژارتنێن پارلامەنتۆیا کوردستانێ کو بریارە رۆژا 20\10\2024ێ برێڤە بچە، پێنگاڤەکە مەزن ئاڤێتیە.
