ل ئامه‌دێ پۆلیسان ب سەر مەد-دەر کو هەڤسەرۆکێن مەد-دەرێ ژی تێ دە 16 کەس هاتن بنچاڤکرن، دەم پارتیێ دەربارێ بنچاڤکرنان دە گۆت، ئەڤ ئۆپەراسیۆن ل دژی چاند و زمانێ کوردی یە.
هێزێن ئەولەکاریێ ل ئامه‌دێ ب سەر کۆمەلەیا لێکۆلینێن زمان و چاندێ (مەد-دەر)ێ ده گرتن. د ئۆپەراسیۆنێ دە هڤەسەرۆکێن مەد-دەرێ رەمزی ئازیزۆگلوو و شوکران یاکووت ژی تێ دە 16 کەس هاتن بنچاڤکرن. هەر وها ل ئامه‌دێ پۆلیسان ب سەر پرتوکخانەیا ب ناڤێ پاییز پرتووک ژی ده گرتن.
هات راگهاندن، ل قۆسەرا مێردینێ ژی پۆلیسان 3 کەسێن کو بەرێ رێڤەبەرێن هه‌ده‌پێ بوون یێن ب ناڤێ نەجلا کایا، ئابدولگانی فەریتۆگوڵار و یاسەمین دەمیرکایا ژی بنچاڤ کرنە.
دەربارێ سەردەگرتن و ئۆپەراسیۆنان دە دەم پارتیێ داخویانیەک پارڤە کر و هات ئاماژەکرن کو سەردەگرتنێن پۆلیسان زەخت و فشارێن ڤەکری یێن سەر چاند و زمانێ کوردینە کو سازیێن داخوازا پەروەردەهیا زمانێ زکماکی دکن بونە ئارمانج.
دەم پارتیێ بال کێشاند کو دێ نەکاربن رێ ل بەر خوەدیلێدەرکەتنا زمانێ زکماکییێ کوردان بگرن.
