ناسنامه‌یا دو گه‌ریلایێن دن یێن په‌كه‌كێ ئاشكه‌ره بوو كو ئه‌و ژی ل سالا 2018ێ ل هه‌رێما زاپێ كه‌تنه به‌ر ئێریشان و رێخستنێ مرنا وان هه‌یا رۆژا مه یا ئیرۆ ڤه‌شارتبوو.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا سێشه‌می 24 ئیلۆنا 2024ێ ناسنامه‌یا دو چه‌كدارێن خوه ئاشكه‌ره كر كو ل 26 هه‌زیرانا سالا 2018ێ ل هه‌رێما زاپێ یا ل باشوورێ كوردستانێ هاتبوونه كوشتن و پاش ده‌رباسبوونا 6 سالان ژ نوو ڤه مرنا وان ئیلان كر.
ناڤێن وان ووسایه:
سه‌بری کارامان ژ مێردینێ یه.
سەرڤەت ئوزیاند ژ ئامه‌دێ یه.
په‌كه‌كێ د په‌سنێ وان ده دیسا ئه‌و ب فه‌دا ژ بۆ ئاپۆ دیتنه و گۆت: ملیتانێ مه فه‌دایێ رێبه‌رتیێ بوون.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
