جیگرێ سەرۆکێ فراکسیۆنا جه‌هه‌پێ رەخنەیێ ل سیاسەتا ئابۆری یا ترکیەیێ دگرە و دبێژە، «دڤێ جه‌هه‌پێ ل سەر پرسا کوردان سیاسەتەکە نەگوهەر هەبە، ژ بۆ کو بکارە ل باکورێ کوردستانێ پارتیەکە بباندۆر بە».
جیگرێ سەرۆکێ فراکسیۆنا پارتیا گەلا کۆماری (جه‌هه‌پێ) گۆکهان گونایدن د دەرهەقا سەپاندنا قەیوومان دە دبێژە، «جه‌هه‌پێ ل سەر سەپاندنا قەیوومان هەلوەستەکە رۆن هەبوو و رێیێن قانوونی و سیاسی ب جهـ ئانینە».
جیگرێ سەرۆکێ فراکسیۆنا پارتیا گەلا کۆماری (جه‌هه‌پێ) د دەرهەقا رۆلێ دەم پارتیێ دە ژی گۆت، «دڤێ دەم پارتی ببە پارتیەکە ترکیەیێنە کو پارتیا ئالیێ دن».
ئەڤ گۆتنێن گونایدن د چارچۆڤەیا وێ دیبەیتێ دە بوونا کو ل سەر بیرانینا 30 سالیا دامەزراندنا پرۆسەیا دەمۆکراسی ل باژارێ قەرسێیێ باکورێ کوردستانێ ب رێ ڤە چوو.
گونایدن رەخنە ل سیاسەتا نها یا ترکیەیێ گرت و گۆت، «قەرس باژارەکی سهرییە، لێ ب لەز بەر ب حەلیان و بچووکبوونێ ڤە دچە، هەروەسا ئەو ئاوایێ کو ئیدارەدانا باژاری هەیە قەت ب دەستکەفتیان رە ناگونجە، ژ بەر کو ب سیاسەتەکێ کار ل سەر تێ کرن و بەر ب بەلاڤکرنا شێنیان و چۆلکرنا وێ ڤە دچە».
ناڤبری ئاماژە ژی دا، «ژ بلی ڤێ یەکێ ژی، ئەو پاشڤەچوونا کو د ئابۆرێ ترکیەیێ دە پشتی هلبژارتنێن بۆری روو دایە باندۆرەکە مەترسیدار ل سەر ڤێ دەڤەرێ چێ کریە، لەوما ژی بێکاریێ و پێلەکە کۆچکرنێ و چۆلکرنێ باژار ڤەگرتیە. ڤێ یەکێ ژی وەسا کریە کو بەردەوام هەژمارا شێنیێن وێ کێم ببە».
جیگرێ سەرۆکێ جه‌هه‌پێ دبێژە، «60% یا دەڤەرێن پیشەسازییێن ترکیەیێ ل سنۆرێ هەرێما مەرمەرەیێ یە، ڤێ یەکێ ژی وەسا کریە کو چرترین رێژەیا شێنیان ل وێ پارچەیا ترکیەیێ کۆم ببە و سیاسەتا پارڤەکرنا ئابۆری و شێنیان نەیێ کرن، سەدەما وێ ژی سیاسییە. ئەڤ ژی پشتبەستنا ئابۆری ب کەرتێ چاندنێ و جانداریێ تووشی کێمکرنێ دکە».
گونایدن ئەشکەرە ژی کر، «ممکنە د دەولەتێ دە کەسەک ب مەرەم ڤێ سیاسەتێ پەیرەو دکە، لەوما ژی دڤێ ئەو سیاسەت بێ گوهەرتن و سەرەراستکرن. ژ بۆ ڤێ یەکێ ژی، دڤێ جه‌هه‌پێ گۆتارەکە راستەقینە ل سەر چارەکرنا پرسا کوردان هەبە و دڤێ دەم پارتی ژی ببە پارتیەکە ترکیەیێ».
