ناسنامه‌یا دو گه‌ریلایێن دن یێن په‌كه‌كێ ئاشكه‌ره بوو كو مه‌هه‌كێ به‌رێ كه‌تنه به‌ر ئێریشان و رێخستنێ ئیرۆ ژ نوو ڤه مرنا وان ئیفشا كر.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا پێنجشه‌می 26 ئیلۆنا 2024ێ ناسنامه‌یا دو چه‌كدارێن خوه ئاشكه‌ره كر كو ل 30 ته‌باخا ئیسال 2024ێ ل سینۆرێ مێردینێ یا ل باكورێ كوردستانێ هاتبوونه كوشتن و پاش مه‌هه‌كێ ژ نوو ڤه مرنا وان ئیلان كر.
ناڤێن وان ووسایه:
ئاده‌م حه‌سه‌ن ژ رهایێ یه.
سه‌لمان حه‌سه‌ن ژ مێردینێ یه.
په‌كه‌كێ د په‌سنێ وان ده دیسا ئه‌و ب ملیتان و فه‌دایێن ئاپۆ دیتنه.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
