بارەگەھەکە ئامەریکایێ ل دێرازۆرێ راستی ئێریشەکێ ھات

چەند تەقین ل پارێزگەھا دێرازۆرێ یا سووریەیێ روو دان، یەک ژ وان د ناڤ بارەگەھەکە لەشکەری یا ئامەریکایێ دە بوو.

مەدیایا سووریەیێ راگھاند، بارەگەھا ئامەریکی یا ل کارگەھا کۆنیکۆیا گازێ ل دێرازۆرێ، ژ ئالیێ درۆنەکێ ڤە ھات ئارمانجکرن، بێیی کو ت زانیاریێن دن دەربارێ زیانان بێ راگھاندن.

رەوانگەھا سووری یا مافێن مرۆڤان بەلاڤ کر، فرۆکەیێن شەرێن نەناس چەپەرێن ملیسێن ئیرانێ ل باژارێ دێرەزۆرێ و گوندەوارێ وێ یێ رۆژھلات 5 جاران کرن ئارمانج.

ئەڤ یەک پشتی وێ تێ، حزبوللاھا لبنانی دوھی 28 ئیلۆنێ کوشتنا سەکرەتەرێ گشتی یێ پارتیێ حەسەن نەسروللاھ د ئێریشێن ئیسرایلێ ل سەر تاخا باشوورا بەیرووتێ دە راگھاندبوو.

ژ پشتی شەرێ ل غەززەیێ د جۆتمەھا 2023 دە، بارەگەھێن ئامەریکایێ یێن د ناڤا ئاخا سووریەیێ دە، راستی 141 ئێرشان ژ ئالیێ ملیسێن ب پشتەڤانیا ئیرانێ ڤە ھاتنە.