ل سەر رێیا قامشلۆ ئۆتۆمۆبیلەک ھات تەقاندن

درۆنەکە ترکیەیێ ئۆتۆمۆبیلەک ل سەر رێیا قامشلۆ و حەسەکێ بۆمبەباران کر و د ئەنجامێ دە 2 کەس بریندار بوون.

رەوانگەھا سووری یا مافێن مرۆڤان بەلاڤ کر، شەڤا بۆری درۆنەکە ترکیەیێ ئۆتۆمۆبیلەک ل سەر رێیا قامشلۆ و حەسەکێ بۆمبەباران کر. د ئەنجامێ دە بەرپرسەکە رێڤەبەریا خوەسەر و ئاژۆکارێ وێ بریندار بوون.

ل گۆری زانایاریێن رەوانگەھێ، ترکیەیێ ژ دەستپێکا ئیسال ڤە 97 ئێریشێن ئاسمانی ل سەر رۆژئاڤایێ کوردستانێ و ناڤچەیێن رێڤەبەریا خوەسەر کرنە و د ئەنجامێ دە 33 کەس ھاتنە کوشتن و نێزیکی 50 کەسی ژی بریندار بوونە.