فه‌رمانداره‌كێ دن یێ په‌كه‌كێ هات كوشتن

ناسنامه‌یا فه‌رمانداره‌كی دن یێ هه‌په‌گێ ئاشكه‌ره‌ بوو كو ئه‌و ژی 3 سالان به‌رێ ل باشوورێ كوردستانێ هاتبوو كوشتن و مرنا وی نه‌هاتبوو راگهاندن.

هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا سێشه‌می 1 جوتمه‌ها 2024ێ ناسنامه‌یا فه‌رماندارێ خوه‌ یێ ب ناڤێ عزه‌ددن جنه‌ت و ب كۆدناڤێ دێرسم نوورحه‌ق ئاشكه‌ره‌ كر كو ل جۆتمه‌ها سالا 2021ێ ل باشوورێ كوردستانێ هاتبوو كوشتن و رێخستنێ كوشتنا وی ئیلان نه‌كربوو.

فه‌رماندارێ هه‌په‌گێ دێرسم نوورحه‌ق ل سالا 1990 ل گه‌ڤه‌رێ ته‌ڤلی ره‌فێن په‌كه‌كێ ببوو.

رێخستنا په‌كه‌كێ ژ سالا 2021ێ ڤه‌ ب ده‌هان فه‌رماندار و كادرۆیێن خوه‌ یێن ل هێلا ژوور ب ئێریشێن ده‌وله‌تا ترك ژ ده‌ست دا نه‌، مرنا پرانییا وان ژی هه‌یا رۆژا مه‌ یا ئیرۆ ڤه‌شارتی مایه‌ و نه‌هاتیه‌ ئیلان كرن.