ب سەدەما هەبوونا چەکدارێن پەکەکێ د 9 رۆژان دە ترکیێ هەری کێم ئێریش ل سەر 9 گوندێن دهۆکێ ئەنجامدانە

ب سه‌ده‌ما لڤ و ته‌ڤگه‌رێن چەکدارێن په‌كه‌كێ د ناڤا گوندێن سەر ب باژارێ دهۆکێ ڤە، بالافرێن شه‌ر یێن ده‌وله‌تا ترك ب ده‌هان بۆمبه‌ و مووشه‌ك ل سه‌ر هه‌ژماره‌كه‌ گوند و هه‌رێمێن دیار یێن پارێزگه‌ها دهۆكێ باراندن.

چاڤكانیێن داركا مازی ئاشكه‌ره‌ كر، ژ 22/9/2024 هه‌یا 30/9/2024 بالافرێن شه‌ر یێن تركیێ هه‌ژماره‌كا گوندێن دهۆكێ ل ده‌ڤه‌رێن به‌رواری بالا و نهێلێ بۆردومان كرنه‌ و زراره‌ك پر مه‌زن ب خوه‌زا و ئاقارێ وان هه‌رێما گهاندیە.

چاڤكانیێن داركا مازی ده‌ستنیشان كر، سه‌ده‌ما ئێریشێن به‌رده‌وام یێن ده‌وله‌تا ترك ل سه‌ر گوندێن دهۆكێ بۆ لڤ و ته‌ڤگه‌ر ب گۆمان یا چه‌كدارێن په‌كه‌كێ ڤه‌دگه‌ره‌ كو رێخستن دخوازه‌ ئه‌ڤ گوندە وه‌رن ڤالا كرن و ببن قادێن شه‌ر.

ئێریشێن ترکیەیێ ب ڤی ئاوا بوونە:

22/9/2024

دەمژمێر 11:55 هایانی 12:30 شەڤێ هەلیکۆپتەرێن لەشکەرێ ترکیەیێ گەلیێ بازێ یێ سەر ب دەڤەرا بەرواری بالا ڤە ب چەکێ دۆشکە و مووشەکان ئارمانج کریە.

23/9/2024

دەمژمێر 12:24 شەڤێ، هەلیکۆپتەرێن شەری یێن لەشکەرێ ترکیەیێ دەریێ بێرا، گیزانی ل هنداڤی گوندێ سەرگەلێ و تونەلا پەکەکێ یا دکەڤە چیایێ مەتینا ل هنداڤی گوندێ گوهەرزێ ئارمانج کرنە.

دەمژمێر 11:00 سپیدێ، بالافرێن شەری یێن ترکیەیێ گەلیێ دێرا یێ سەر ب دەڤەرا بەرواری بالا ڤە بۆمبەباران کریە.

24/9/2024

دەمژمێر 2:55 نیڤرۆژێ، بالافرێن شەری یێن ترکیەیێ گەلیێ شێلازا یێ سەر ب ناحیەیا کانیماسێ ڤە بۆمبەباران کریە.

دەمژمێر 7:55 هەیانی 8:30 شەڤێ، هەلیکۆپتەرێن لەشکەرێ ترکیەیێ گەلیێ بازێ یێ سەر ب ناحیەیا کانیماسێ ب چەکێ دۆشکە ئارمانج کریە.

دەمژمێر 8:14 شەڤێ هەلیکۆپتەرێن لەشکەرێ ترکیەیێ تونەلا چەکدارێن پەکەکێ یا دکەڤە هنداڤی گوندێ گوهەرزێ یێ سەر ب دەڤەرا نهێلێ ڤە ئارمانج کریە، هەر وەها دەمژمێر 11:09 شەڤێ جارەکە دن هەمان تونەل ئارمانج کریە.

25/9/2024

دەمژمێر 2:48 نیڤرۆژێ، بالافرێن شەری یێن ترکیەیێ د نێڤبەرا گوندێن شێلازا و ئێکمالێ یێن سەر ب ناحیەیا کانیماسی بۆمبەباران کریە.

26/9/2024

دەمژمێر 8:33 شەڤێ، هەلیکۆپتەرێن شەری یێن ترکیەیێ جارەکە دن تونەلا پەکەکێ یا دکەڤە چیایێ مەتینا یێ ل هنداڤی گوندێ گوهەرزێ و دەریێ بێرا بۆمبەباران کرینە.

27/9/2024

دەمژمێر 12:22 نیڤرۆژێ، بالافرێن شەری یێن ترکیەیێ گەلیێ دەرگەلێ یێ سەر ب ناحیەیا کانیماسێ بۆمبەباران کریە.

دەمژمێر 8:55 هەیانی 9:15 سپێدێ، هەلیکۆپتەرێن شەری یێن ترکیەیێ ب چەکێ دۆشکە و مووشەکان گەلیێ بێشیلێ و گەلیێ بازێ یێن سەر ب دەڤەرا بەرواری بالا ڤە ئارمانج کرنە.

دەمژمێر 2:50 نیڤرۆژێ، بالافرێن شەری یێن ترکیەیێ دیسا تونەلا پەکەکێ یا دکەڤە هنداڤی گوندێ گوهەرزێ یێ سەر ب دەڤەرا نهێلێ ڤە بۆمبەباران کریە، هەر وەها دەمژمێر 8:40 هەیانی 10:25 هەلیکۆپتەرێن شەری یێن ترکیەیێ ب چەکێ دۆشکە و مووشەکان جارەکە دن هەما تونەلا پەکەکێ ئارمانج کریە.

دەمژمێر 9:04 شەڤێ هەلیکۆپتەرێن شەری یێن ترکیەیێ گەلیێ بازێ یێ سەر ب دەڤەرا بەرواری بالا ڤە بۆمبەباران کریە.

28/9/2024

دەمژمێر 5:58 ئێڤارێ، بالافرێن شەری یێن ترکیەیێ جارەکە دن تونەلا پەکەکێ یا دکەڤە هنداڤی گوندێ گوهەرزێ بۆمبەباران کریە.

دەمژمێر 5:35 ئێڤارێ تۆپەکە هاوەن یا ژ جورەیێ 60 ملیم ژ ئالیێ چیایێ مەتینا ڤە هاتیە و ب ناڤا مالا ولاتیەکی گوندێ گوهەرزێ کەتیە و زرارێن مادین چێکرنە.

29/9/2024

دەمژمێر 7:45 هەیانی 8:50 شەڤێ، هەلیکۆپتەرێن شەری یێن ترکیەیێ گەلیێ بازێ یێ سەر ب ناحیەیا کانیماسێ ب چەکێ دۆشکە و مووشەکان ئارمانج کریە.

دەمژمێر 11:00 شەڤێ، هەلیکۆپتەرێن شەری یێن ترکیەیێ چیایێ هنداڤی گوندێ گوهەرزێ هەیا دگەهە گوندێ بەلاڤە یێن سەر ب دەڤەرا نهێلێ ب چەکێ دۆشکە و مووشەکان ئارمانج کریە.

30/9/2024

دەمژمێر 12:00 هەیانی 12:35 شەڤێ، هەلیکۆپتەرێن  شەری یێن ترکیەیێ گەلیێ بازێ و گەلیێ هەسپا یێن سەر ب دەڤەرا بەرواری بالا ڤە ب چەکێ دۆشکە و مووشەکان ئارمانج کریە.

ژ گولانا ئیسال 2024ێ ڤه‌ و پاش دژواربوونا ئێریشێن ده‌وله‌تا ترك، رێخستنا په‌كه‌كێ ب ئه‌نقه‌ست چه‌كدارێن خوه‌ دشینه‌ دۆربه‌را گوندێن پارێزگه‌ها دهۆكێ، ئه‌ڤ گوند ده‌وام دكه‌ڤن به‌ر ئێریشان و ڤێ نیگه‌رانیه‌ك مه‌زن ل جه‌م شێنییان چێكریه‌ و په‌كه‌كه‌ ڤێ یه‌كێ ب زانه‌بوون دكه‌ و دخوازه‌ ئه‌و گوند و هه‌رێمێن دهۆكێ وه‌رن ڤالا كرن.