پشتی کو ئیسرایلێ سەرۆکێ حیزبوللاھێ حەسەن نەسروللاھ کوشتی، سەرکردەیێن ھێزێن ئالیگرێن ئیرانێ یێن ل رۆژھلاتا ناڤین ژی ژ ترسا جانێ خوە جیهێن ڤەحەوینا خوە گوهەرتن. ھات دیارکرن کو هەڤسەرۆکێ پەکەکێ جەمیل بایک کو ب نێزیکبوونا خوەیا ب ئیرانێ رە تێ ناسکرن ژی جھێ خوە گوھەرتیە و کۆچی جھەکی دن کریە.
بایک کو ئەندامێ دامەزرینەرێ پەکەکێ یە، ناڤێ ھەڤسەرۆکاتیا کەجەکێ ب کار تینە. جەمیل بایک ژ سالێن 1980 ڤە ب تێکلیێن خوەیێن بهێز یێن لگەل ئیرانێ تێ ناسکرن. ژ سالا 1998 ڤر ڤە نێزی 26 سالن ل ھەرێمێن د بن کۆنترۆلا ئیرانێ دە بێناڤبەر دژی. پشتی کو جەمیل بایک د سالا 2013ان دە بوویە ھەڤسەرۆکێ کەجەکێ، ب رێیا پەیوەندیێن لگەل ئیرانێ و ب پێداویستیێن لۆجیستیکی یێن کو ئیرانێ ژێ رە ئامادە دکرن، گاڤ ب گاڤ چوو سلێمانیێ. د سالا 2016 دە بایکێ کو جارا ئەول ل قەرەچۆلان دما، ژ بۆ کو کارێ خوە ب رحەتی بمەشینە، ئانین ھەرێمەکە نێزی ناڤەندا باژارێ سلێمانیێ. بایک کو ئەول ل گوندەکی نێزی چارتایێ دما، ژ بەر دووربوونا ژ باژێر و زەحمەتیێن د رێڤەبرنا رێخستنێ دە ژ ئالیێ ئیرانێ ڤە هات ڤەگوهەستن بۆ مێرگەپانێ کو 25 دەقەیان دووری سلێمانیێیە و ل ور ب پرانی ڤیلایێن ھاڤینێ ھەنە. چاڤکانیێن ھەرێمی دیار دکن کو بایک ئەڤ دەمەکە درێژە ل مێرگەپانێ کو ب گشتی کەسێن دەولەمەند و بەرپرسێن یەنەکێ لێ دمینن، دمینە، ھەر چەند دەم ب دەم جھێ خوە دگوھەرینە ژی لێ بەلێ ب گشتی ل ھەمان ھەرێمێ ل چەند جھێن جودا دمینە.
ھاتە دیارکرن کو بایکێ کو ب تایبەتی گرینگی دایە ئەولەھیا خوە و جھێ وی ژ ئالیێ رێڤەبەرێن پەکەکێ ڤە ژی نەدیار بوو، د ڤان رۆژێن داوی دە جھێ خوە گوھەرتیە و کۆچی ھەرێمەکە نوو کریە. چاڤکانیێن نێزیکی پەکەکێ وسا دفکرن کو جەمیل بایک چوویە ئیرانێ. چاڤکانیێن نێزی پەکەکێ وسا دفکرن کو ل باژارێ ئورمیەیێ مالەک ھەیە کو کەسێن مینا کاراسو و سەبری ئۆک لێ دژین و جەمیل بایک ژی نها تەڤلی ڤێ ئەکیبێ بوویە. چاڤکانیێن نێزیکی پەکەکێ دیار دکن کو پشتی کو نەسروللاھ ب مووشەکێن ئیسرایلێ ھاتیە کوشتن، سەرکردەیێن پلەبلندێن پەکەکێ ل سلێمانیێ و دەردۆرا وێ جهێن خوە گوھەراندنە و ھەول دانە کو ل شوونا وان خانیێن کو ب گشتی بکار تینن، ل گەل سڤیلان د ھەمان مالان دە بمینن.
