فه‌رمانداره‌كا یه‌كینه‌یێن پاراستنا ژن «یه‌په‌ژێ» یا سه‌ر ب په‌كه‌كێ ڤه، د ئێریشه‌كه هه‌وایی یا ده‌وله‌تا ترك ده ل رۆژئاڤا كوردستانێ هاته كوشتن.
یه‌په‌ژێ كو یێك ژ باسكێن له‌شكه‌ری یێن په‌كه‌كێ یه ل رۆژئاڤا كوردستانێ، ئیرۆ رۆژا شه‌می 4 جۆتمه‌ها 2024ێ راگهاند كو فه‌رماندارا وان یا ب ناڤێ خه‌زال یووسف و كۆدناڤێ ژیندا جوودی، دوهـ رۆژا ئینی 3 جۆتمه‌ها 2024ێ د ئێریشه‌كه ده‌وله‌تا ترك ده ژیانا خوه ژ ده‌ست دا یه.
ده‌ستنیشان كر، فه‌رماندارا یه‌په‌ژێ خه‌زال یووسف ل باژارۆكێ عاموودێ یێ گرێدای قامشلۆیێ ل رۆژئاڤا كوردستانێ كه‌تیه به‌ر ئێریشێ.
خه‌زال یووسف فه‌رماندارا یه‌په‌ژێ ژ هه‌رێما بۆتانێ یه، ئه‌و ل سالا 2003ێ ته‌ڤلی ناڤا ره‌فێن په‌كه‌كێ بووبوو، دوهـ د ئێریشه‌كه بالافرێن بێمرۆڤ یێن ده‌وله‌تا ترك ده هاتیه كوشتن.
