رێخستنا په‌كه‌كێ ناسنامەیێن سێ گەریلایێن دن ئاشكه‌ره كر كو ل سالا 2019ێ ل هەرێما ئاڤاشینێ جانێ خوە ژ دەست دنە و ئیرۆ پاش ده‌رباسبوونا 5 سالان ژ نوو ڤه مرنا وان راگهاند.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا شه‌می 5 جۆتمه‌ها 2024ێ دا زانین کو گەریلایێن ب ناسناڤێن ئازاد ئۆزگور، رۆژەڤین گارزان و لۆرین بیشەنگ ل چریا پێشین یا 2019ان ل ئاڤاشینێ جانێ خوە ژ دەست دایە.
ل گۆری داخویانیێ، ئاگاهیێن ل سەر ناسنامەیا گەریلایان ب ڤی رەنگینە:
ئازاد ئۆزگور: ناڤێ وییێ فەرمی ئەمراهـ گونارایە و ئەو ژ وانێ یا باکورێ کوردستانێ یە.
دەلیلا رۆژەڤین گارزان: ناڤێ وێ یێ فەرمی فاتما کلچارسلانە و ئەو ژ بەدلیسا باکورێ کوردستانێ یە.
لۆرین بیشەنگ: ناڤێ وێ یێ فەرمی نەزاهات چاپانە و ئەو ژ شرنەخا باکورێ کوردستانێ یە.
هه‌په‌گێ دا زانین کو ئازاد ئۆزگور 2یێ چریا پێشین یا 2019، دەلیلا رۆژەڤین گارزان و لۆرین بیشەنگێ ژی 4ێ چریا پێشینا 2019ان جانێ خوە ژ دەست دایە.
هه‌په‌گێ دەستنیشان کر کو ئازاد ئۆزگور 2014ان و لۆرین بیشەنگ ژی 2015ان تەڤلی رەفێن گەریلایان بوویە.
