په‌ده‌كه پیلانه‌كه پڕ خه‌ته‌ر یا بافل و قوباد تاله‌بانی ژ بۆی ساخته‌كاریێ د هلبژارتنان ده ئیفشا دكه
كۆمیتا بلندا په‌ده‌كێ ژ بۆی سه‌رپه‌رشتیكرنا گه‌را شه‌شه‌مین یا هلبژارتنێن پارلامه‌نتۆیا كوردستانێ داخویانیه‌ك به‌لاڤ كر و تێده ب ده‌لیل پیلانه‌كه خه‌ته‌رناك یا سه‌ركردایه‌تییا یه‌نه‌كێ بافل و قوباد تالبانی یا ئه‌نجامدانا سه‌خته‌كارییان ئیفشا كر.
داخویانیا کۆمیتەیا بلندا پارتیا دەمۆکراتا کوردستانێ (په‌ده‌كێ) ژ بۆ سەرپەرەشتیا شەشەمین گه‌را هلبژارتنێن پارلامەنتۆیا کوردستانێ.
وەلاتیێن هێژا، دەنگدێرێن هێژا
وەکە تێ زانین مە وەکە پارتیا دەمۆکراتا کوردستانێ (په‌ده‌كێ) پشتی بریارێن دادگەها فەدەرالی یا ئیراقێ ل چەند جهان نیگەرانیێن خوە دەربارێ پرۆسەیا لدارخستنا هلبژارتنان دیار کرن.
هەلبەت فکارێن مە ل سه‌ر بنگه‌ها ئاگاهیان بوون، لێ وێ دەمێ دەلیلێن مە تونەبوون. نها ئەم ب ده‌لیل وێ دلگرانییێ ب زانیاریێن و ب بەلگە پشتراست دکن، ئه‌م پشتراست دكن کو ئیرۆ ب بەلگەیان ئەم روویێ راستێ سەرکردایەتیا نوو یا یه‌نه‌كێ ب تایبەتی (بافل و قوباد) رادگهینن، كانێ چاوا ب گۆتووبێژکرنه‌كا د ناڤبەرا وان دە کۆمپلۆیێن وان یێن خەرابێن ل دژی کوردستانێ، دەمۆکراسیێ، مالباتێن شه‌هیدان و پێشمه‌رگه‌هێن قه‌هره‌مان ئیفشا دبن. وه‌كه هه‌وله‌كێ ژ بۆ ئه‌نجامدانا ساخته‌كارییان د هلبژارتنان ده.
هه‌روه‌ها ئه‌و پڕ ب بێیشه‌رمی بێحوه‌رمه‌تیێ ل مالباتێن سه‌ربه‌رزێن شه‌هیدان، پێشمه‌رگه‌هێن قه‌هره‌مان و ده‌نگدێرێن عه‌زیز دكن، ژ بۆ كو بشێن ب پیلان ساخته‌كاریێ د پرۆسه‌یا ده‌مۆكراسیێ یا هه‌لبژاتنان ده بكن.
هه‌مولاتیێن خوه‌شتڤی یێن كوردستانێ
ئیرۆ ب به‌رچاڤكرنا ڤێ به‌لگه‌یێ، ئه‌م بانگی ده‌وله‌تا فه‌ده‌رالا ئیراقێ، وه‌لاتیێن كوردستتانێ، حزب و ئالیێن سیاسی و تێكۆشه‌ران، چاڤدێران و رایا گشتی و جڤاكا نێڤده‌وله‌تی دكن و ئه‌م ڤێ به‌لگه‌یێ و ڤێ راستیێ دخن به‌ر چاڤێن وان، راستیه‌كه كو روویێ راست یێ بافل و قوباد بۆ ته‌ڤان ئاشكه‌ره دكه، به‌لێ ئه‌ڤه راستییا بافل و قوباد، ئه‌ڤ دو كه‌سێن كو ت جاره‌كێ ژ بۆی كوردایه‌تیێ ت زه‌حمه‌ته‌ك نه‌كێشایه، به‌لكو بێهتر هه‌ر چ تێكۆشه‌ره‌كی د ناڤا حزبان وان ده یان حه‌قاره‌ت لێ كریه، یان بێ هێڤی كریه، ژ بۆ كو ئه‌و بكارن ب رییا ڤان جۆره پیلانان و رێككه‌فتنێن دژمنكاری ل دژی كوردستانێ ئه‌نجام بدن و كار بۆ وێ یه‌كێ بكن كو ناڤوده‌نگییا پێڤاژۆیا ده‌مۆكراسیێ و ئه‌زموونا كوردستانێ نه‌شرین بكن.
ژ کەرەما خوە گوهـ بدن دەلیلان: ده‌نگێ بافل و قوباد:
