ھەر دو ئەندامێن پارتیا دەمۆکراتا کوردستانێ ل جڤاتا پارێزگەھا کەرکووکێ سکالایێ ل دژی سەرۆکێ وێ جڤاتێ تۆمار دکن. سەدەما تۆمارکرنا وێ سکالایێ ژی پەیوەندیا جڤینا ھۆتەلا رەشید یا بەغدایێ یە، کو تێ دە بێ ھایدارکرنا وان پارێزگەر و جیگرێ وی ھاتبوون ھلبژارتن.
ئەندامێن پارتیا دەمۆکراتا کوردستانێ ل جڤاتا پارێزگەھا کەرکووکێ حەسەن مەجید رەشید و شۆخان حەسیب حسێن، ب رێیا پارێزەرێ دەستووردایی یێ پارتیا دەمۆکراتا کوردستانێ (پەدەکێ) محەمەد فاتح مستەفا، سکالا ل دژی سەرۆکێ جڤاتا پارێزگەھا کەرکووکێ محەمەد ئیبراھیم حافز تۆمار کر. ل گۆر زانیاریان، بریارە ل رۆژا چارشەمبێ، 16ێ جۆتمەھا 2024، بێن دارزاندن.
ل دوو ناڤەرۆکا وێ سکالایێ، سەدەما وێ سکالایێ ژ بۆ وێ یەکێ ڤەدگەرە کو، سەرۆکێ جڤاتا پارێزگەھا کەرکووکێ بێ ھایدارکرنا وان وەکی ئەندامێن جڤاتێ ھاتبوو ھلبژارتن، بێ چ بھانەیەک جڤینا خوە ل رۆژا 10/8/2024 ل ھۆتەلا رەشید ل بەغدایێ کربوو و پاشتر پارێزگەر و جیگرێ وی ب ئاوایەکی نەقانوونی و دووری حەزا فراکسیۆنا پەدەکێ ل وێ جڤاتێ ھاتبوون ھلبژارتن.
