یه‌نه‌كێ ده‌نگدانا تایبه‌ت ب دارێ زۆرێ و په‌ره‌یان دا ده‌ستپێكرن
ته‌ڤی كو دو هه‌فته بۆ هلبژاتنان مانه، لێ به‌لێ هه‌ر ژ ئیرۆ و بێ كو نوونه‌رێن ت ئالیه‌كی و كۆمسیۆنا هلبژارتنان ئاماده ببن، یه‌نه‌كێ وه‌كه ئاماده‌كاری ژ بۆی ئه‌نجامدانا ساخته‌كارییان، ده‌نگدانا تایبه‌ت ب دارێ زۆرێ و په‌ره‌یان ب هێزێن ئه‌وله‌هیێ دا ده‌ستپێكرن.
ل گۆری هنه‌ك دیمه‌نان كو «ئاڤا میدیا» ئیشه‌ڤ 10 جۆتمه‌ها 2024ێ پارڤه‌كرنه، ل هه‌له‌بجه هه‌ژماره‌كه هه‌ری زێده یا هێزێن ئه‌وله‌هیێ كو د هۆله‌كه ڤه‌شارتی ده نه، ده‌نگێ خوه بۆ هلبژارتنێن پارلامه‌نتۆیا كوردستانێ دان، یه‌نه‌كێ ئه‌و ب ناڤێ تێستێ ژ بۆی رۆژا ده‌نگدانا تایبه‌ت بانگی ده‌نگدانێ كرنه، لێ به‌لێ هات زانین كو یه‌نه‌كێ ژ وان ره گۆتیه: «ئه‌ڤ وه ده‌نگێ خوه دا و ئێدی پێویست ناكه هوون رۆژا ده‌نگدانێ ده‌نگێ خوه جار دن بدن، هوون دكارن رۆژا ده‌نگدانێ نه‌هێن».
ل گۆری چاڤكانیێن «ئاڤا میدیا» یه‌نه‌كێ هه‌مان گاڤێ ل سلێمانی، هه‌له‌بجه، گه‌رمیان و راپه‌رینێ ئه‌نجام دده و هێزێن ئه‌وله‌هیێ ل همبه‌ری كوژمه‌یه‌كه په‌ره‌یان و هنه‌ك ژ وان ژی ب دارێ زۆرێ بانگ كرنه كو وه‌رن ده‌نگێ خوه هه‌ر ژ نها بدن.
ئه‌ڤ كارێ ب گۆمان یێ یه‌نه‌كێ بوویه جیهێ نیگه‌رانیا ئالیێن دن و ئه‌ڤ یێك ب ساخته‌كارییا ده‌نگدانا تایبه‌ت یا هێزێن ئه‌وله‌هیێ ب ناڤ كرنه.
د ڤێ ده‌ربارێ ده، ئاڤا میدیا پێوه‌ندی ب جومانه غه‌لای به‌رده‌ڤكا كۆمسیۆنا بلند یا سه‌ربخۆ یا هلبژاتنان یا ئیراقێ كر و وێ گۆت كو ئه‌ڤ ساخته‌كاریێن یه‌نه‌كێ هاتن بلند كرن بۆ كۆمیته‌یا یاسایی یا كۆمسیۆنێ و ئه‌وێ له‌كۆلینێ ژ بۆی بكن.
