پارتیا دەمۆکراتا کوردستانێ (پەدەکێ) ل دھۆکێ ئاھەنگەکا جەماوەری ژ بۆ سەرخستنا لیستەیا خوەیا 190 دکە.
ب ئامادەبوونا جیگرێن سەرۆکێ پەدەکێ نێچیرڤان بارزانی و مەسروور بارزانی، ئیرۆ 12 جۆتمەھێ ئاھەنگەکا جەماوەری ل یاریگەھا دھۆکێ تێ لدارخستن.
سەرۆک بارزانی رۆژا 25 ئیلۆنا بۆری د دەما دەستپێکرنا بانگەشەیا پەدەکێ یا ژ بۆ ھلبژارتنێن پارلامەنتۆیا کوردستانێ دە کو د رۆژا رەفەراندومێ دە بوو، پیرۆزبایی ل گەلێ کوردستانێ کر کو رێ نەدا ئیرادەیا وان د رەفەراندومێ دە وەرە شکاندن.
سەرۆک بارزانی گۆت: “ت کەسی خێرەک ژ بۆ ھەرێما کوردستانێ نەکریە. ئەڤ ھەرێم بەرھەما خوینا شەھیدان، خوینا ئەنفالکریان، خوینا پێشمەرگەیێن قەھرەمان و کەدا گەلێ کوردستانێ یە. پەدەکە روومەتەکە مەزن وەرگرتیە و گەلەک خوین ژ بۆ بدەستخستن و پاراستنا ڤان دەستکەفتێن مەزن دایە.”
ھەروھا سەرۆک بارزانی گۆت: داخوازێ ژ وە دکم د ڤێ ھەلبژارتنێ دە گەلەک سەربخوە بن، دووری توندوتیژیێ بن، دوور بن ژ بکارئانینا زمانێ توند، خوە نەکشینن ناڤا شەران، گرانیا خوە و پارتیا خوە بپارێزن. پر جاران، بەرسڤنەدانا مرۆڤێن بێبەرپرسیار، بەرسڤەکە. ئەگەر پێویستی ب بەرسڤاندنێ ھەبە، ب کۆمیتا بلندا ھلبژارتنێ رە بشێورن. بلا ئەو ژی ژ بیرا وە نەچە، ئەوێ کو زمانێ وی درێژە، دەستێ وی کنە.”
