فەرماندارەکی لەشکەرییێ یه‌نه‌كێ بەحسا وێ یەکێ دکە کو ئه‌و راستی فشار و گڤاشەکە مەزن تێ و ژ ئالیێ گرووپەکە دەستهلاتا ناڤ یه‌نه‌كێ ڤە مووچەیێ وی هاتیە راگرتن و گه‌ف لێ دهێن كرن، ژ به‌ر كو كه‌چا وی د لیستا لاهۆر ده كاندیده.
فەرماندارێ یه‌نه‌كێ فاخر عومه‌ر کو پایەیا وی رائیدە و د حه‌ره‌كه‌تا فەوجا 1 یا لیوایا 4 یا فەرمانداریا بەرەڤانی و هەوارچوونێ یا هێزەکە یه‌نه‌كێ دە ئەرکدارە ژ باسنیوزێ رە گۆت: «دوهـ 11 جۆتمه‌ها 2024ێ یه‌نه‌كێ دەست دانی سەر ئۆتۆمۆبیلا من و مووچەیێ من راگرتیە و ئەو دەمانچەیا من یا تایبەت کو مام جەلال دابوو من، ئەو ژی ژ من ستاندن. هەرچەند کورێ من هاتیە تەرۆر کرن و هین من ئەو ماف ژی وەرنەگرتیە لێ ل گەل وێ ژی ئەو هەموو ل گەل من کرن».
هەروه‌ها گۆت: «ئەز راستی گەفخوارن و فشارەکی زێدە تێم، ژ بەر كو کەچا من ل سەر لیستا لاهور جەنگی بەربژێرە و یه‌نه‌كه ژ ڤی نیگەران و عاجز بوویە و ئەو گەفان ل من دخون، کو کەچا من خوە ژ بەربژێربوونێ ڤەکێشە. ژ بەر وێ ژی نان و قوتێ مال و زارۆکێن من برینە و مووچەیێ من ملیۆنەک و 800 هەزارە و من یەک دەقیقەیەکی ژی خیانەت ل یه‌نه‌كێ نەکریە، لێ وان هەموو تشت ل سەر من قوت کرنە و وایە وەفا و قەنجیا ینکێ».
فەرماندارێ لەشکەرییێ ینه‌كێ گۆت: «من هەموو ژیانا خوە ژ بۆ یه‌نه‌كێ دا، لێ وەفایا وان یا ل هەمبەر من ئەڤە، ئەز ژ ڤێ دەرێ ڤە رادگەهینم، بچن ل پشتەڤانیا خەلکێ رانیە یا ژ بۆ مە بکن، وێ دەمێ هوون دێ گرانیا مە بزانن چەندە».
