ل ناڤچەیا یەنیشەھیرا ئامەدێ د ناڤبەرا خزمان دە شەر دەرکەت و شەر ڤەگەریا پەڤچوونا چەکداری و دو کەسان ژیانا خوە ژ دەست دان.
بوویەر ل جادەیا ئازیز مەحموتۆغولار د ئاڤاھیا گەنج ئیپەکچی پێکھات و ژ بەر سەدەمەکا نەدیار نیقاشا د ناڤبەرا محەمەد عەلی باران یێ 29 سالی و ھەڤژینا وی یا ب ناڤێ ە.ب دە دەرکەت، ئەندامێن دن یێن مالباتێ ژی تێکەلی وێ نیقاشێ بوون و پشترە نیقاش مەزن بوو ڤەگەریا پەڤچوون و شەرێ ب چەک.
د بوویەرێ دە محەمەد عەلی باران و مرۆڤێ وی یێ ب ناڤێ وەدات بارانێ 39 سالی ل جیھێ بوویەرێ ژیانا خوە ژ دەست دان.
پشتی بوویەرێ پۆلیس گەھەشتن جیھێ بوویەرێ ھەڤژینا محەمەد عەلی بارانێ کو خوەست برەڤە یا ب ناڤێ ە.ب، داییکا وێ یا ب ناڤێ ر.ش و برایێ وێ ا.ش یێ 23 سالی ھاتن گرتن.
دەربارێ بوویەرێ دە گومانبارەکی دن یێ کو ھین نەھاتیە گرتن، لێگەرینا وی ژی بەردەوام دکە.
