ل گۆر زانیاریان پەکەکێ د ھەیاما سالێن 2018 و 2019 دە 47 ھەزار کیلۆ کۆکاین ھەناردەیی وەلاتێن ئەوروپایێ کریە. ئالیێ قاچاخچیتیا مادەیێن ھشبەر یێن پەکەکێ و سپیکرنا پارە ل گەل یەنەکەیا بافل تالەبانی و ژ بۆ وێ ژی ئەندامەکی رێڤەبەریا پەکەکێ یێ ب ناڤێ نەدیم س. کو یەک ژ کەسێن نێزیک جەمیل بایکە و ژ بۆ وێ پەیوەندیا ل گەل دەستھلاتا پایەبلندا یەنەکەیا بافل ھاتیە ئەرکدار کرن.
ل گۆر ئاگاهیان، ئەو خالێن کو پەکەکە تێ رە مادەیێن ھشبەر دەرباسی سینۆرێن ھەرێما کوردستانێ دکە، قەندیل، کەلەرە، چیایێ شەھیدان ل ترگەڤەر، قاسمەرەش، دۆلا خانەدەل ل ترگەڤەر، گۆرەرەش، کێلێ و خنێرە نە.
ڤێ دەربارێ دە نڤیسکار و لێکۆلینڤانێ سیاسی دلۆڤان عەلی راگەھاند، ئەو مادەیێن ھشبەر کو پەکەکە ترانسیت دەرباسی ئەوروپا دکە، ھەمان ئەو مادەیێن ھشبەرێن ئیران و ئەفغانیستانێ نە، کو پەککەێ ل وان سینۆران ل گەل یەنەکەیا بافل تالەبانی دەرباسی کوردستانێ دکە و پشترە دگەھینە سووریێ، لوبنان و ئەوروپایێ.
ل گۆر راپۆرتەکا سالانەیا بەشا مادەیێن ھشبەر یا یەکتیا ئەوروپایێ، پەکەکە تەنێ د ناڤبەرا سالێن 2018 – 2019 دە 47 ھەزار کیلۆ کۆکاین دەرباسی وەلاتێن ئەوروپایێ کرنە.
دلۆڤان عەلی دبێژە: “ئەو ئۆفیسێن کو یەنەکە د بن ناڤێ مەدیایێ دە ل تاخێن کوردسات، بەختیاری و راپەرین بۆ پەکەکێ ڤەکرنە، جیھێن ڤەشارتنا مادەیێن ھشبەر و سپیکرنا پارە نە. ھندەک کەسێن خەلکێ گەڤەرا باکورێ کوردستانێ یێن کو ئەندام و کادرۆیێن پەکەکێ نە سەرپەرەشتیا وی کاری دکن.”
وی لێکۆلینڤانێ سیاسی دیار کر، یەنەکێ ژۆرەکا ئۆپەراسیۆنێ ژ بۆ چاپەمەنیا پەکەکێ ڤەکریە و سپۆنسەریا ھند پێگەھێن وان دکە، کو ب زمانێ ترکی شەڤ و رۆژ ل تاخێن کوردساتا سلێمانیێ گەفان ل سازیێن حکوومەتا ھەرێما کوردستانێ و پەدەکێ دکە و ھەروەھا بانگەشەیا ھەلبژارتنێ بۆ یەنەکێ دکن.
ل گۆر ھەمان چاڤدێری، ئەو کارێن یەنەکە ژ بۆ پەکەکێ دکە، باجا وێ یا گران دێ ژ بۆ وێ و خەلکێ سلێمانیێ ھەبە و گۆت: “ل ھەموو جیھانێ خەلک خوە ژ تەرۆریستان و تاوانباران دوور دخە، لێ نھا ھەڤالێن ھەری نێزیک یێن بافل تالەبانی ھندەک تەرۆریست و تەوانبارن کو بریارا گرتنا وان ژ ئالیێ ئامەریکایێ و یەکتیا ئەوروپایێ ڤە هاتیە دەرکرن.”
دلۆڤان عەلی دبێژە: “تاکە ئارمانجا بافل تالەبانی ئەوە، سلێمانیێ بکە مەرتالا مافیاگەریا خوە و باژار بدە وێرانکرن، ئەگەر نا چ کەسەکی خوەدی ئاقل و مەنتق پشتەڤانیا تەرۆریستان ناکە، یان پەیوەندیێ ل گەل وان کەسان نادانە کو ب تۆمەتا تەرۆر و بازرگانیا مادەیێن ھشبەر و کوشتنا خەلکێ تەوانبار بن ژ ئالیێ وەزارەتا خەزینەیا ئامەریکایێ ڤە و ب فەرمی ژی داخوازا گرتنا وان ھاتبە کرن.”
دلۆڤان عەلی گۆت: پێویستە کارێ یەکەمێ کابینەیا دەھەما حکوومەتا ھەرێما کوردستانێ، پاقژکرنا سلێمانیێ یا ژ مافیا و چەکدارێن پەکەکێ بە. ژ بەر بەشەک ژ نەئارامیا ل سلێمانیێ ھەیە، ژ بەر چالاکیێن پەکەکێ یێن ل وی باژاری نە. پەکەکە وەک پەنجەشێرێیە، بچە کودەرا کوردستانێ د بەرژەوەندیا خوە دەستھلاتدارێن خوە دە و ژ بۆ داگیرکەران و نەیاران کار دکە.
ژ ئالیێ دن ڤە چاڤدێرێ سیاسی در. مەدحەت سلێمان ژی راگەھاند: “ئەو ھەڤپەیمانیا بافل تالەبانی، رەیان کلدانی و ھندەک ژ ملیسان و پەکەکێ بنێرن، ھوون دێ ببینن ھەڤپەیمانیا وان ل سەر بنگەھێ دژاتیا پەدەکێ و حکوومەتا ھەرێما کوردستانێیە. ل دژی پێشکەتنێ و گەشەپێدانا ئابۆرییا خەلکێ و ھەرێما کوردستانێ نە. ھەڤپەیمانیەکە ژ بۆ لێدانا ل پێگەھ و پێکھاتەیا ھەرێما کوردستانێ و ھەموو تشتەکی خراب ل وێ ھەڤپەیمانیێ تێ کرن. ژ بەر ئارمانجا وێ کارێ خرابە.”
مەدھەت سلێمان دیار کر، ئەو ھەڤپەیمانی تەنێ دژی ھەرێما کوردستانێ نینە، ژ بەر کو تێکەلبوونە ل گەفخوارنێن ئەنیا بەرخوەدانا ئیسلامی بۆ سەر ئیسرایل و ئامەریکایێ و پشتەڤانیکرنا ل حەماس و حزبوللاھێ و دیار کر: “ھەرکەس و ئالیەکی بچە ناڤ وێ ھەڤپەیمانیێ، پاشەرۆژا وی باش نابە و زیانێن مەزن ددە ھەرێما کوردستانێ و خەلکێ وێ ژی. ژ بەر تشتا کو دەرکەتیە ئەو ھەڤپەیمانی ژ بۆ دژاتیا ھەرێما کوردستان، ئامەریکا و ھەڤپەیمانێن دن نینە، ھەروەھا ژ بۆ کارێن ل گەل یەک و قاچاخچیتیا ھەڤبەشە، کو تەمامێ مادەیێن ھشبەر ئاشکەرا بوویە کو ژ سینۆرێ پاکستانێ و ئیرانێ ڤە تێ ژ بۆ ئیراقێ و ئەو ھێز ھەڤکارن بۆ ڤەگوھەستنا مادەیێن ھشبەر بۆ سووریێ، لوبنان و ناڤچەیێ. ئانگۆ ھەڤپەیمانیەکی مافیایییە بۆ کارێ قاچاخچیتیا ھەڤبەش و لێدانا ل پێگەھا ھەرێما کوردستانێ و ئامەریکایێ و ھەڤپەیمانێن دن، کو ب ئازادانە بکارن کارێن خوە بکن. ژ بۆ وان ھێزان پر ئاسایییە دەرڤەیی مادەیێن ھشبەر چەک ژی ژ بۆ ناڤچەیێ ڤەگوھێزن، لێ ئەو کار ھەتا داویێ ھەر وسا نابە و تشتا کو ژ ئالیێ وان ھێزان ڤە ھاتیە کرن دێ باجا وێ گران بە.”
