پارتییا وەلاتپارێزێن کوردستانێ PWK یەکسالییا خوە، ل ئامەدێ ب ئاهەنگەکا جەماوەری پیرۆز کر.
شەڤا پیرۆزباھییێ ب پێشکێشڤانییا سەرۆکێ مەجلیسا PWK یا ئەورۆپایێ، مەرد باران بۆسکان برێڤە چوو. مەرد باران بۆسکان، ب خێرھاتنا بەشداران کر و پیرۆزباھی، ل گەل سروودا نەتەوەیی یا ئەی رەقیبێ، ب رێزگرتنا ژ بۆ شەھیدێن کوردستانێ دەستپێ بوو.
پاشێ ئەندامێ مەجلیسا پارتییێ یا PWK محەمەد سەلیم ئووزوون د دەربارێ بیر و باوەری و رۆل و گرینگییا PWK دە ب زاراڤەیێ کردکی/زازاکی ئاخافتنەک کر. م.سەلیم ئووزوون، ب تایبەتی بال کشاند سەر تایبەتمەندیا PWK یا کو د کۆنگرەیا دامەزراندنێ یا PWK دە ژی، د ڤێ شەڤا یەکسالییا PWK ژی مە ئاخافتنا یەکەم ب زاراڤەیێ کردکی یێ کوردی دەستپێکرییە. ھەروەھا، بال کشاند سەر ھشمەندییا PWK یا کو ھەموو پێکھاتەیێن کوردستانێ وەک خوەدییێ کوردستانێ قەبوول دکە و دڤێت د رێڤەبەرییا کوردستانێ دە ئیرادەیا وان بێ قەبوول کرن.
پشتی ئاخافتنا م.سەلیم ئووزوون، سەرۆکێ گشتی یێ PWK موستەفا ئۆزچەلیک، پاستایا یەکسالییا PWK بری و ب زاراڤێ کورمانجی یێ کوردی، د دەربارێ، پێڤاژۆیا دامەزراندنا PWK و گرینگییا PWK د مەشا یەکتییێن رێخستنی و سییاسی دە ئاگاھداری دا، نێرینێن PWK یێن د دەربارێ ھەڤکاری و تفاقێن ستراتەژیکیێن کوردستانی، ھەڤخەباتێن ژ داخوازێن بلەز یێن ملەتێ کورد، د دەربارێ تێکۆشینێن ل باشوور، رۆژئاڤا و رۆژھلاتێ کوردستانێ، د دەربارێ گەنگەشییێن ل سەر قانوونا بنگەھینەکا نوویا دەولەتا ترکییەیێ، گرینگییا ئاخافتن و فێربوونا زمانێ کوردی و رەوشا گشتییا رۆژھلاتا ناڤین دە بیر و باوەری و سییاسەتا PWK ئانی زمان.
شەڤا پیرۆزباھییا یەکسالییا PWK ب موزیکا ھونەرمەندێ کورد سەباحەدین خۆجە و ھونەرمەندێ کورد عیرفان کورەکەن ب جۆشەکە مەزن دەرباس بوو.
گەلەک پارتی و گرۆبێن سییاسی و دەزگەھێن سڤیل، سییاسەتمەدار، رەوشەنبیر، ھونەرماند و کەسایەتێن کورد، کوردستانی بەشداری شەڤێ بوون، گەلەک کەسایەتان ب مەساژێن خوە، پیرۆزباھییا یەکسالییا PWK کرن.
ئەڤ پارتی و گرووبێن سییاسی و دەزھەگێن سڤیل بەشداری شاھییا یەکسالییا PWK بوون: سەرۆکێ گشتییێ ھاک-پارێ دووزگوون کاپلان و ھەیەتا ھاک-پارێ، سەرۆکێ گشتی یێ پەسەکێ بایرام بۆزیەل و ھەیەتا پەسەکێ، جیھگرێ سەرۆکێ گشتییێ پەدەکە-ت یێ م.شرن ئۆزبەک و ھەیەتا پەدەکە-ت یێ، رێڤەبرێن پێلکوردێ کۆرۆگلو کاراسلان و ھالووک گۆکالپ، نوونەرێ پەدەکێ-باکور عەلی ئایدن و ھەیەتا پەدەکە-باکور، بەرپرسێ ل ترکییەیێ و باکورێ کوردستانێ یێ پارتییا دەمۆکراتا کوردستانا سورییێ و ئەنکسیێ مووسلووم محەمەد و ھەیەتا پەدەکەسێ و ئەنەکەسێ، بەرپرسێ تەڤگەرا ئاڤاکرنا دەمۆکراتیکا کوردستانی-سوورییە مەحموود رەمۆ و ھەیەتا پارتییا خوە، بەرپرسێ پارتیا یەکتییا کوردستانی-سووری سولەیمان ئیزگی، بەرپرسێ پارتییا دەمۆکراتا پێشڤەروویا کوردی ل سوورییێ شێخمووس حەمۆ، سەرۆکێ گشتی یێ پەدەکە کورد رەشید ئاکج، ئەندامێ کۆمیتەیا برێڤەبرا پارتییا ئینسان و ئازادی م.شاھ بیتەن و ھەیەتا پایێ، نوونەرێ کەکەپێ کەندال شیمشەک و ھەیەتا کەکەپێ، جیھگرێ سەرۆکێ گشتییێ دەدەکەدێ عەبدولھای ئۆکوموش و ھەیەتا دەدەکەدێ، سەرۆکێ پلاتفۆرما جوانێن سەربخوە فەرید ئازاد و ھەیەتا پەجەسێ، ئەندامێ کۆمیتەیە برێڤەبرا پارتییا ئینسان و ئازادی م.شاھ بیتەن و ھەیەتا پایێ، پارتییا ئازادی، سەرۆکێ کۆمەلەیا ئەحمەدێ خانی، سەیید تەمەل و ھەیەتا کۆمەلەیا ئەحمەدێ خانی، سەرۆکێ جەمعییەتا رۆژنامەڤانان یا ئاناتۆلییایێ جەمیل ئایدۆگان، کۆمەلەیا نووبھار، ھەیەتا ئینسیاتیفا ھەفسا 5 نۆلوویێ، بەرپرسێ THİV مووراد ئابا، دەسۆپ، سەرۆکێ کۆمەلەیا عەشیرا مەتینان ئایدن پیرینچۆگلو، کۆمەلەیا تەقاویدان یا باتمانێ، ئۆدەیا زیرێتێ یا ناڤچەیا یەنیشەھیرێ یا ئامادێ.
