پشتی سلاڤا سەرۆکێ مەھەپێ دەولەت باخچەلی د پارلەمەنتۆیێ دە ل بەرپرسێن دەمێ کری، گەلەک شرۆڤە و نرخاندنێن جودا تێنە کرن. ھەروەھا گەلەک ئیدیعایێن دن دکەڤن رۆژەڤێ و تێنە مناقەشەکرن.
سەرۆکێ گشتی یێ پارتیا نووژەن ئۆزتورک، یلماز، ئیدیعا کر کو داخویانیێن باخچەلی، ئەردۆگان و نەعمان کورتولموشێن داوی ژ بۆ پشگریا دەمێ ژ بۆ دەستوورا بنگەھینا نوو ھاتیە دایین و گۆت، “ئیدیعا ھەنە کو ژ بۆی عەڤدللا ئۆجالان ل چانکایا ئەنقەرە مالەک تێ ئامادەکرن.”
سەرۆکێ گشتی یێ مەھەپێ دەولەت باخچەلی د پارلەمەنتۆیێ دە مەرحەبایەک ب بەرپرسێن دەمێ کری و دەستێ وان ھەژاندی و سۆحبەت کر و رەجەب تەییب ئەردۆگان “پشتگریەک ب ھێز دا ڤێ ھەلوەستا باخچەلی،” ئەڤ یەک بو سەدەما پرسا “گەلۆ پێڤاژۆیا چارەسەریێ یا نوو د رۆژەڤا سیاسی دەیە؟”
د رۆژەڤا سیاسەتێ دە وەزیرێن حکوومەتێ داخویانیێن زەلال نادن و ژ بۆ عەڤدللا ئۆجالان ئیدیعایێن پر زێدە تێن کرن.
سەرۆکێ پارتیا نووژەن و کۆنسولوسێ بەرێ ئۆزتورک یلماز، دیار کر کو ئیدیعا ھەنە کو ژ بۆ ئۆجالانێ ل گرتیگەھا ئیمرالیێ دە، ل چانکایایا ئەنقەرەیێ مالەک ھاتیە ئامادەکرن.
داخویانیا ئۆزتورک یلماز یا ل سەر حەسابا وی یا پلاتفۆرما مەدیایا جڤاکی Xێ وھایە: “ل چانکایایێ ئیدیعا ھەنە کو ژ بۆ عەبدوللاھ ئۆجالان مال تێ ئامادەکرن. تێ گۆتن کو دێ د زندانا مالێ دە بێ گرتن. د ڤێ خالێ دە دیار دبە کو ھەموو گۆتن و نەباشیێن کەسێن وەکە دەولەت باخچەلی، رەجەب تەییب ئەردۆگان و نەعمان کورتولموش یێن ڤێ داویێ ب ئاوایەکی رێکخستی و ب زانەبوون ھاتنە کرن. ئارمانجا سەرەکی دانینا کەڤرێن دەستوورا بنگەهین یا نوو ژ بۆ ئەردۆگانە.
ژ بۆ پشگریا دەمێ. زیھنیەتا کو رێ ددە ئەردۆگان ل سەر دەستھلاتداریێ بمینە ھەر، دێ وەلاتی کاڤل بکە.
ئۆزتورک دبێژە: ئەم دێ ل سەر ڤێ ئیدیعایێ لێکۆلین بکن. ژ بەر ڤێ یەکێ ئەز ژ بۆ نھا وەکی ئیدیعایەکێ دبێژم. گەر راست بە، ئەڤ تام شەرمەزاری و خیانەتە. بزانە کو ئەم دێ ھەری زێدە ل دژی ڤێ دەرکەڤن!”.
