7 سال ب سەر خیانەتا مەزن یا بافل تالەبانی و یه‌نه‌كه یا وی رە دەرباس دبە، کو ژ بەر وێ زێدەتر ژ نیڤێ ئاخا باشوورێ کوردستانێ رادەستی ملیسێن هەڤپەیمانیا وێ دەمێ (حه‌شدا شه‌عبی) و هەروه‌ها یا نها یا یه‌نه‌كێ کر.
د دەستپێکا مەها جۆتمەها 2017ێ تەڤگەرا ملیسێن حه‌شدا شه‌عبی ل ئیراقێ و ملیسێن سەر ب حزبولاها لبنانێ و هن ژ هێزێن ئیرانێ بەر ب کەرکووکێ و ناڤچەیێن بن دەستهلاتا پێشمەرگە دەستپێ کر و ل هەمبەر وێ ژی پێشمەرگە چەپەرێن خوە ژ بۆ بەرەڤانیا کوردستانێ قاهیم کرن. لێ بەر ب رۆژا 16ێ جۆتمەها 2017ێ بەشەک زێدە ژ هێزێن یه‌نه‌كێ بێ کو ت بەرەڤانیەکی بکن چەپەرێن خوە ژ بۆ ملیسێن حه‌شدا شه‌عبی ڤالا کرن و ژ بەر وێ ژی رێ ڤەکرن بۆ ملیسان هەتا ناڤچەیێن کوردستانێ یێن دەرڤەیی ئیدارەیا هەرێما کوردستانێ داگیر بکن.
38 ئەندامێن رێڤەبەریا یه‌نه‌كێ ل سەر رێکەفتنا خیانه‌تێ ئیمزا كربوون
هەر د وان رۆژان دە سەرۆکێ نها یێ یه‌نه‌كێ بافل تالەبانی د هەڤپەیڤینەکە ل گەل کانالەک بریتانیا دە ل خوە موکرهات کو خوە ل گۆر رێکەفتنەکی ڤەکێشاندنە و 38 ئەندامێن رێڤەبەریا یه‌نه‌كێ ژی ل سەر وێ رێکەفتنێ ئیمزا وان هەیە و ژ بەر وێ رێکەفتنێ ژی خیانەت ل گەلێ کوردستانێ کرنە.
هەرچەند 4 رۆژ پشتی خیانەتا مەزن یا یه‌نه‌كێ، ملیسان ب رێکەفتنا ل گەل یه‌نه‌كێ و جەحشێن دن، پلانا داگیرکرنا هەولێرا پایتەختا هەرێما کوردستانێ کرن، لێ ژ ئالیێ هێزێن پێشمەرگەیێن کوردستانێ ڤە ب رێبەریا سەرۆک بارزانی راستی شکەستەکی مەزن هاتن و ژ پردێ و سحێلا و مەحموودیە و تلسقۆف و مەخموور و گەلەک جیهێن دن، بەرخوەدانەکی وسا مەزن هاتە کرن کو جارەکە دن ملیس نەوێرن نێزیکی کوردستانێ ببن.
یه‌نه‌كه وەک پارتیەکی بەرپرسیارە ژ وێ خیانەتا ل گەلێ کوردستانێ هاتیە کرن. هەرچەند د رۆژێن 16ێ جۆتمەهێ دە بەشەک ژ یه‌نه‌كێ وسا نیشان دا کو دژی خیانەتێنە، وەک شێخ جەعفەر و کۆسرەت رەسوول، لێ نها ئەم دبینن کو ئەو ژی چوونە بن وێ رێڤەبەریا کو ئەو خیانەتا وان رۆژان یا پارتیا خوە دە. ژ بۆ مە ئاشکەرا بوویە کو یه‌نه‌كه وەک پارتی ژ وێ خیانەتێ بەرپرسە و دڤێ باجا وێ خیانەتێ ژی بدە.
پێویست بوو د هەیاما 7 سالێن بۆری دە بافل تالەبانی و یەک ب یەک ئەوێن کو خیانەت ل گەلێ کوردستانێ کرن بێن جەزاکرن و باجا وێ خیانەتا خوە دابان، کو ببن ئیبرەت و جارەکە دن ت کەسەک جه‌ساره‌ت نه‌كه كو فکرا جەحشبوون و خیانەتێ بکە
پێویست بوو د هەیاما 7 سالێن بۆری دە بافل تالەبانی و یەک ب یەک ئەوێن کو خیانەت ل گەلێ کوردستانێ کرن بێن جەزاکرن و باجا وێ خیانەتا خوە دابان، کو ببن ئیبرەت و جارەکە دن ت کەسەک نەوێریتن فکرا جەحشبوون و خیانەتێ بکە. لێ مخابن نها ئەم دبینن ئەوێن دوهـ کەرکووک فرۆتن و ب سەربلندی مەرحەباییا ملیسان دکرن، دەرفەت ژ وان رە هات دایین کو سەرۆکاتیا پارتیێ ژی ژ وان رە بێ دایین و جارەکە دن ب رێیا رێکەفتنا ئۆتێل رەشید ڤە ل هەمبەر وەرگرتنا پەیورا پارێزگارێ کەرکووکێ ئەو باژار جارەکی دن فرۆتن و هەموو مافێن کوردان ل کەرکووکێ رادەستی نەیارێن کوردستانێ بکن.
