رێخستنا په‌كه‌كێ ناسنامەیێن 4 گەریلایێن دن ئاشكه‌ره كر كو ل ته‌باخا ئیسال ل هەرێما زاپێ جانێ خوە ژ دەست دانە و ئیرۆ پاش ده‌رباسبوونا دو مه‌هان ژ نوو ڤه مرنا وان راگهاند.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا دوشه‌می 14 جۆتمه‌ها 2024ێ دا زانین 4 چه‌كدارێن وان دو مه‌هان به‌رێ ئانگۆ ل 8 ته‌باخا رابووری، ل هه‌رێما زاپێ یا ل باشوورێ كوردستانێ، كه‌تنه به‌ر ئێریشێن ده‌وله‌تا ترك و جانێ خوه ژ ده‌ست دا نه.
ئاگاهیێن ل سەر ناسنامەیا گەریلایان ب ڤی رەنگینە:
سه‌ردار مه‌عرووف ژ بدلیسێ یا باکورێ کوردستانێ یە.
ئه‌ڤین ئیبراهیم ژ سێترێ یا باکورێ کوردستانێ یە.
زه‌هرا محه‌مه‌د سدیق ژ ئامه‌دێ یا باکورێ کوردستانێ یە.
به‌شار سالح ژ دێرازوورێ.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
