ژ بۆ چ پەکەکە پشتگیریا یەنەکێ دکە؟
د ھلبژارتنێن پارلەمەنتۆیا کوردستانێ دە پەکەکە ب ئاوایەک چالاک پشتگیریا یەنەکێ دکە. بێ گومان سەدەمێن ڤێ یەکێ گەلەکن و نرخاندنێن بەرفرەھ ژێرە دڤێن. لێ پرانیا جارا گۆتنەک ب خوە وەک دەھ رووپەلێن نڤیساندنێ ئارمانجا ئەساسی ددە ئەشكەرەکرن.
د ڤان ھلبژارتنان دە گەلەک لەیزتک ھاتن کرن. یەنەکێ پشتا خوە ب بەغدایێ گەرم کر و ھەولدا ب ھەموو ئاوایی روو ل بەر سەرکەفتنا پەدەکێ بگرە. گەلەک گوھەرتن ل سەر سکالایێن یەنەکێ د قانوونا ھلبژارتنان دە ھاتن کرن. مافێ پێکھاتێن کوردستانێ ھاتن ئاستەنگ کرن.
جارێ مرۆڤ بەرێ خوە بدە دیرۆکێ، رۆژێن بووری موومکنە ئیرۆ ھندەک تشتان باشتر بدە فام کرن. بەرێ خوە بدنێ پارلەمەنتەرا ھەدەپێ یا دیاربەکرێ کو نێزی 15 سالان وەک پارلەمەنتەرا ھەدەپێ د پارلەمەنتۆیێ دە مایە. نورسال ئایدۆگان نە کوردە، شوی ب یەکی کورد رە کریە. نورسەل کەسایەتەک د ناڤا پەکەکێ و پارتیێن گرێدایێ پەکەکێ دە گەلەک ب باندۆر بوو. واتە وەک نوونەرا دەولەتا کوور د ناڤا پەکەکێ دە بوو.
نورسەل د ھەڤپەیڤینەکا خوە دە دبێژە: ل وێ دەرێ (بەحسا باشوورێ کوردستانێ دکە) کورد دخوازن دەولەتەکی دامەزرینن. ھەتا ھەول ددن کوردێن 4 پارچەیان بێنە باھەڤ و دەولەتەک کوردی دامەزرینن. ئاستەنگا یەکەمین ل پێشیا دامەزراندنا دەولەتا کوردی باوەر بکن برێز عەبدوللا ئۆجالانە. ئۆجالان دخوازە پرسا کوردی د سینۆرێن ترکیێ دە واتە سنۆرێن میساقا مللی دە بهێت چارەسەرکرن. واتە دڤێت چارەسەری د ناڤا پاراستنا یەکتیا ئاخا ترکیێ دە چێببە. باوەر بکن ئیرۆ پەکەکە دەست ژ ڤێ فکرێ بەردە، ئامەریکا و بریتانیا خەیالا وان دە ئاڤاکرنا کوردستانا مەزن ھەیە. ھێزا کو پێشیا دامەزراندنا کوردستانا مەزن دەردکەڤە ئەو تەڤگەرە کو ئۆجالان چێکریە.
ڤیدیۆ ب ترکیە و گۆتنێن وێ وەک خوە ژ بۆ کوردی ھاتیە وەرگەراندن.
ئەڤە سەدەمێ بنگەھێنە کو پەکەکە ئیرۆ د ڤان ھلبژارتنان دە پشتگیریا یەنەکێ دکە. واتە سەدەم ئاستەنگ کرنا دەستخستنا مافێن رەوایێن کوردایە. سەدەم رێگریکرنا ل دەولەتبوونا کوردایە. سەدەم رێگرییا ب ھێزکرنا ستاتوویا ھەرێما کوردستانێ یە.
ڤێجا ئەگەر پرس کورد و کوردستان بە، ئەگەر ئارمانج وەلاتپارێزی بە، ئەگەر پاراستنا ستاتوویا ھەرێما کوردستانێ بنگەھ بە.. دڤێت ئەڤ راستیە ژ ئالیێ ھەموو کەسەکی ڤە بێ دیتن. باوەر بکن د بنگەھا پەکەکێ دە گەلەک ئینسانێن وەلاتپارێز و کوردپەروەر ژی ڤان گۆتنێن دژتیا دەولەتبوونا کوردا دکن قەبوول ناکن.
لەیزتک گەلەک مەزنە. ژ بۆ تێکبرنا لەیزتکێن کو گەفن ل سەر خاکا کوردستانا ئازاد گەرەک، دەنگێ خوە بدن پەدەکێ.
