ئیرۆ سەرۆکێ هەرێما کوردستانێ سەردانا ئەنقەرەیێ دکە و ب سەرۆکێ کۆمارا ترکیەیێ ره‌جه‌ب تاییپ ئاردۆگان ره دجڤه.
بەردەڤکێ سەرۆکاتیا هەرێما کوردستانێ دلشاد شەهاب د داخویانیەکە تایبەت دە ژ بۆ سەرۆکاتیا هەرێما کوردستانێ راگەهاند، «سەرۆکێ هەرێما کوردستانێ نێچیرڤان بارزانی ڕۆژا (چارشەم، 16.10.2024) ب سەردانەکە فەرمی دگەهە ئەنقەرەیێ و ب سەرۆککۆمارێ ترکیەیێ رەجەپ تاییپ ئاردۆگان رە دجڤە».
دلشاد شەهاب هەروەسا گۆت، «هەر دو ئالی دانوستاندنان ل سەر بەردەوامکرنا پەیوەندیێن ترکیەیێ ب ئیراق و هەرێما کوردستانێ رە و داوی پێشهاتێن رەوشا دەڤەرێ دکن و ل سەر چەند پرسێن دن یێن جهێ گرنگیا هەڤپار دیتن و نەرینێن خوە ل هەڤ دگوهەرن».
