رێخستنا چەتە یا ب ناڤێ “جوانێن شۆرەشگەر” یا گرێدایی پارتیا کارکەرێن کوردستانێ (پەکەکێ) زارۆکەکی تەمەن بچووک ژ باژارێ تەبقایێ ب ئارمانجا تەڤلیکرنا ناڤا رەفێن پارتیێ رەڤاند.
ل گۆری تۆرا چاڤدێریا مافێن مرۆڤان یا سووریێ، رێخستنا “جوانێن شۆرەشگەر” د 8ێ جۆتمەھێ دە زارۆکێ ب ناڤێ بەشار عەلا عەبدولفەتاح یێ 14 سالی ژ باژارێ تەبقا یێ ل گوندەوارێ رەقایێ رەڤاند.
تەڤی کو مالباتا بەشار ژ بۆی زانینا چارەنڤیسا کورێ خوە سەری ل ناڤەندێن پارتیا یەکیتیا دەمۆکراتیک و ھێزێن سووریەیا دەمۆکراتیک دان، لێ ھەتا نھا ت ئاگاھی دەربارێ چارەنڤیسا کورێ خوە دە ب دەست نەخستنە.
تێ زانین فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
ل گۆری چاڤدێران ئارمانجا چەتەیێن ب ناڤێ “جوانێن شۆرەشگەر” ژ رەڤاندنا زارۆکێن تەمەن بچووک، شووشتنا مەژیێ زارۆکان ل گۆر بیردۆزیێن پارتیا کارکەرێن کوردستانێ و تەڤلیکرنا وان د ناڤا رەفێن لەشکەری یێن پارتیێ دەیە.
