دەنگدانا گشتی یا خولا شەشەمینا پارلامەنتۆیا کوردستانێ سبە 20/10/2024، دەمژمێر 7:00 سبێ دەست پێ دکە و ھەتا دەمژمێر 18:00 ئێڤارا ھەمان رۆژێ بەردەوام دبە.
ھلبژارتن د بن چاڤدێریا کۆمیسیۆنا بلندا سەربخوەیا ھلبژارتنان یا ئیراقێ دە تێ کرن. ل گۆری کۆمیسیۆنێ، 2 ملیۆن و 683 ھەزار و 618 دەنگدەر دکارن بەشداری ھلبژارتنێن گشتی ببن.
ھەژمارا دەنگدەرێن گشتی ل گۆری بازنەیان:
بازنەیا ھەولێرێ: 933 ھەزار و 115 دەنگدەر
بازنەیا سلێمانیێ: 1 ملیۆن و 8 ھەزار و 412 دەنگدەر
بازنەیا دھۆکێ: 682 ھەزار و 791 دەنگدەر
بازنەیا حەلەبجە: 59 ھەزار و 300 دەنگدەر
کۆمیسیۆنا بلندا سەربخوەیا ھلبژارتنان یا ئیراقێ ژ بۆ ھلبژارتنێن پارلامەنتۆیا ھەرێما کوردستانێ 1266 ناڤەندێن دەنگدانێ ڤەکرنە.
ھەژمارا ناڤەندێن دەنگدانێ ل گۆری بازنەیان:
بازنەیا ھەولێرێ: 498 ناڤەندێن دەنگدانێ
بازنەیا سلێمانیێ: 477 ناڤەندێن دەنگدانێ
بازنەیا دھۆکێ: 264 ناڤەندێن دەنگدانێ
بازنەیا حەلەبجە: 27 ناڤەندێن دەنگدانێ
ل گۆری کۆمیسیۆنا ھلبژارتنان یا ئیراقێ، 16 کۆنسولخانە، 15 رێخستن و 22 دەزگەھێن راگھاندنێ یێن ناڤدەولەتی، 9610 رێخستن و چاڤدێرێن ناڤخوەیی و 43 ھەزار 139 نوونەرێن پارتیێن سیاسی دێ چاڤدێریا پرۆسەیا دەنگدانا گشتی یا پارلامەنتۆیا کوردستانێ بکن.
کۆمیسیۆنا بلندا سەربخوەیا ھلبژارتنان یا ئیراقێ ناڤێ 1191 کاندیدان ژ بۆ خولا شەشەمینا ھلبژارتنێن پارلامەنتۆیا ھەرێما کوردستانێ پەسەند کرنە:
ھەژمارا کاندیدان:
ھەژمارا کاندیدێن مێر: 823
ھەژمارا کاندیدێن ژن: 368
ھەژمارا کاندیدێن پارتیان: 949
ھەژمارا کاندیدێن ھەڤپەیمانان:123
ھەژمارا کاندیدێن سەربخوە: 119
ھەژمارا کاندیدێن پێکھاتەیان: 38 (ترکمەن 20 و کریستیان 18)
دادگەھا بلندا ئیراقێ ھەژمارا کورسیێن حکوومەتا ھەرێما کوردستانێ داخست 100 کورسیان، ژ ڤان 95 کورسیێن گشتی نە و 5 ژی ژ بۆ پێکھاتەیان ھاتنە ڤەقەتاندن.
دابەشکرنا ھەژمارا کورسیێن پارلامەنتۆیا کوردستانێ ل گۆری بازنەیێن ھلبژارتنێ:
بازنەیا ھەولێرێ: 32 کورسی
بازنەیا سلێمانیێ: 36 کورسی
بازنەیا دھۆکێ: 24 کورسی
بازنەیا حەلەبجە: 3 کورسی
(ب تەڤاھی: 95 کورسی)
دابەشکرنا ھەژمارا کۆتایا کورسیێن پارلامەنتۆیا کوردستانێ ل سەر پارێزگەھان:
بازنەیا ھەولێرێ: 2 کورسی
بازنەیا سلێمانیێ: 2 کورسی
بازنەیا دھۆکێ: 1 کورسی
بازنەیا حەلەبجە: 0 کورسی
(ب تەڤاھی: 5 کورسی)
رۆژا ئینێ، 18/10/2024 دەنگدانا تایبەتا خولا شەشەمینا پارلامەنتۆیا کوردستانێ برێڤە چوو. ل گۆری کۆمیسیۆنێ رێژەیا بەشداریێ گھشتە ژ سەدی 97 و 208 ھەزار و 521 ئەندامێن ھێزێن ئەولەھیێ دەنگ دانە.
