پارتیا دەمۆکراتا کوردستانێ (پەدەکێ) 96 ھەزار دەنگ و یەنەکێ ژی 51 ھەزار دەنگ د دەنگدانا تایبەتا ھلبژارتنێن پارلامەنتۆیا کوردستانێ دە بدەست خستنە.
دوھی 18 جۆتمەھا 2024، دەنگدانا تایبەتا ھلبژارتنێن پارلامەنتۆیا کوردستانێ ھات کرن و 215 ھەزار و 960 کەس ژ ھێزێن پێشمەرگە و ھێزێن ئەولەھیێ و ناڤخوەیێن ھەر چار بازنەیێن ھلبژارتنێ یێن ھەرێما کوردستانێ و 7 پارێزگەھێن ئیراقێ مافێ وانێ دەنگدانێ ھەبوو.
ل گۆر داخویانیا داوی یا کۆمیسیۆنا بلندا سەربخوەیا ھلبژارتنانا ئیراقێ، رێژەیا بەشداریێ ژ سەدی 97 بوویە و 165 ناڤەندێن دەنگدانێ ھاتبوون ڤەکرن.
سبە 20 مژدارێ ژی دەنگدانا گشتی یا ھلبژارتنێن پارلامەنتۆیا کوردستانێ تێ کرن.
ل گۆری تۆمارا دەنگدانا بیۆمەتریکی یا کو ژ ئالیێ کۆمیسیۆنا ھلبژارتنانا ئیراقێ ڤە ھاتیە بەلاڤکرن، 2 ملیۆن و 683 ھەزار و 618 دەنگدەرێن ھلبژارتنا گشتی نە.
ھلبژارتن دێ ژ ئالیێ کۆمیسیۆنا بلندا سەربخوەیا ھلبژارتنانا ئیراقێ ڤە وەرە کرن.
