رێخستنێن په‌كه‌كێ كه‌چه‌كه ئێزدی یا ته‌مه‌ن 15 سال یا ب ناڤێ ماریا ژ شه‌نگالێ ره‌ڤاند، ئه‌ڤ ته‌وان ب ئالیكاریا هه‌موه‌لاتیه‌كی شه‌نگالێ یێ نێزی رێخستنێ هاتیه ئه‌نجام دایین.
چاڤكانیێن داركا مازی ئاشكه‌ره كرن كو ل رۆژا 19 ئیلۆنا ئیسال 2024ێ ئانگو به‌ریا مه‌هه‌كێ، هه‌مولاتیه‌كی ئێزدی یێ ب ناڤێ مه‌روان كه‌چۆ كو نێزی رێخستنا په‌كه‌كێ یه، كه‌چه‌كه ئێزدی یا ب ناڤێ ماریا مراد قاسی حه‌مه‌د حه‌سه‌ن ژدایكبوویا 2009ێ ره‌ڤاندیه و راده‌ستی چه‌كدارێن په‌كه‌كێ كریه.
ده‌ستنیشان كر، ته‌وانبارێ ب ناڤێ مه‌روان، كه‌چا ب ناڤێ ماریا ژ تاخا شه‌هیدان یا باژارێ شه‌نگالێ بریه ب عه‌ره‌به‌یا خوه بریه چیایێ شه‌نگالێ و ل ور راده‌ستی رێخستنێن په‌كه‌كێ كریه.
د ڤێ ده‌ربارێ ده دای و باڤێن ماریایێ ل 20 هه‌مان مه‌هێ ل بنكه‌یا پۆلیسێن ته‌له‌عفه‌رێ سكالا تۆمار كرنه و پۆلیسان كه‌سێ ته‌وانبار یێ بناڤێ مه‌روان بنچاڤ كریه و له‌كۆلین ل گه‌ل ئه‌نجام دا نه.
رێخستنا په‌كه‌كێ ژ پاش رزگاركرنا شه‌نگال ژ هێلا پێشمه‌رگه‌هێن كوردستانێ ڤه، كه‌تیه د شه‌نگالێ ده و ژ وێ ده‌مێ ڤه ب سه‌دان كه‌چ و جوانێن ئێزدیان ره‌ڤاندنه و ب دارێ زۆرێ كرنه چه‌كدار، ره‌ڤاندنا زارۆكێن ئێزدییان ژ هێلا په‌كه‌كێ ڤه ئه‌وقاس زێده‌بوویه كو هنه‌كی مایه ناڤێ فه‌رمانا پاش داعشێ لێ وه‌ره كرن.
