هات راگەهاندن سازیا ئیستخباراتا میلی یا ترکیێ (میت)ێ، ل هەرێما پێنجوێنا سەر ب سلێمانیێ دو بەرپرسێن ژن یێن په‌كه‌كێ/كه‌جه‌كێ یێن ب ناڤێن «جائیزە سەلبەرا» کو وەک بەرفین رۆژ تێ ناسکرن و «ئەمینە ئولاش» یا وەک تەکۆشین دلگەش تێ ناسکرن و ژ قادا جڤاکی یا رێخستنێ بەرپرسبوون ب ئۆپەراسیۆنەکی هاتنە کوشتن.
ئاژانسا ئانادۆلو یا زمانێ فەرمی یێ دەولەتا ترکیێ یە نووچەیا خوە سپارت ب چاڤکانیێن ئەولەهیێ و راگەهاند، د ئەنجاما خەباتێن میتێ یێن ڤەشارتی و هەستیار دە دو بەرپرسێن ژن یێن په‌كه‌كێ یێن ب ناڤێن جائیزە سەلبەر (بەرفین رۆژ) و ئەمینە ئولاش (تەکۆشین دلگەش) کو بەردەوام ب رێڤەبەرێن رێخستنێ رە د ناڤ پەیوەندیەکی بەردەواما نێزیک دە بوون ب ئۆپەراسیۆنەکی هاتنە کوشتن.
ل گۆر هەمان چاڤکانیێ هەردو رێڤەبەرێن په‌كه‌كێ د چارچۆڤەیا فەرمانێن کو ژ رێخستنێ وەردگرتن، باج ژ خەلکێ هەرێمێ وەردگرتن و ئەو پارە و باجا کۆمدکرن ژ بۆ کار و خەباتێن رێخستنێ یێن دابینکرنا چەک و لۆژیستیکێ دهاتە بکارئانین.
هەروه‌ها هات گۆتن وان هەردو رێڤەبەرێن په‌كه‌كێ ژ بۆ بەشداریکرنا ئەندامێن نوو و کارێ دەستنیشانکرنا جوانان دکرن و ژ بۆ وێ ژی فەرمان ددانە رێخستنا جوانان یا ل باکورێ کوردستانێ و ترکیێ.
هات راگەهاندن هەردو رێڤەبەرێن په‌كه‌كێ سالا 1999ێ بەشداری رێخستنێ بوونە و د ئۆپەراسیۆنەکە میتێ یا ل ناڤچەیا پێنجوێنا سلێمانیێ بوونە ئارمانجا ئۆپەراسیۆنێ و هاتنە کوشتن.
