رێخستنا په‌كه‌كێ ناسنامەیێن سێ گەریلایێن دن ئاشكه‌ره كر كو ل سالا 2018ێ ل هەرێما مه‌تینانیێ جانێ خوە ژ دەست دانە و ئیرۆ پاش ده‌رباسبوونا 6 سالان ژ نوو ڤه مرنا وان راگهاند.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا شه‌می 19 جۆتمه‌ها 2024ێ دا زانین کو گەریلایێن ب ناسناڤێن ئه‌زدا فه‌ره‌شین جوودی، سۆرخوین چیا و ئیلیاس ئایدنگول ل 29 تیرمه‌ها 2018ان ل مه‌تینایێ جانێ خوە ژ دەست دایە.
ئاگاهیێن ل سەر ناسنامەیا گەریلایان ب ڤی رەنگینە:
ئه‌زدا فه‌ره‌شین جوودی: ناڤێ وییێ فەرمی حه‌یات به‌هائه‌ددینه و ئەو ژ شرنه‌خێ یا باکورێ کوردستانێ یە.
سۆرخوین چیا: ناڤێ وێ یێ فەرمی كاده‌ر جه‌عفه‌ره و ئەو ژ قه‌رسێ یا باکورێ کوردستانێ یە.
ئیلیاس ئایدنگول: ناڤێ وێ یێ فەرمی سه‌باحه‌ددین ئه‌مینه و ئەو ژ سته‌نبۆلێ یه.
ئه‌ڤ سێ گه‌ریلا ل چیایێ مه‌تینایێ كه‌تنه به‌ر ئێریشان، په‌كه‌كێ مرنا وان ل مالباتێن وان ڤه‌شارتبوو و پاش ده‌رباسبوونا 6 سالان ژ نوو ڤه ئیفشا كر، ل گۆری ئاگاهیێن ده‌ستێ مه، هێژان ب سه‌دان كه‌چ و جوانێن كوردان مانه یێن كو په‌كه‌كێ د سال و مه‌هێن به‌رێ ده دا نه كوشتن و هێژان مرنا وان ئیلان نه‌كریه.
