دو کەسێن سەر ب یه‌نه‌كێ دەما کو چوونە دەنگی بدن، پێنووسا یەک ژ ناڤەندێن دەنگدانێ دگوهەرینن و پێنووسەکە ساختە ل شوونا وێ د دانن ژ بۆ کو د دەما پرۆسەیا ئەلەکترۆنیکی یا جوداکرنا دەنگان دە، دەنگێن خەلکێ بشەوتن.
ل گۆری مالپه‌را باسنیۆزێ یا ل باشوورێ كوردستانێ، ئەو دو کەس هاتنە ئاشکەراکرن و ل هەمبەر وان دێ تەدبیرێن پێویست بێن وەرگرتن.
هەروه‌ها تەکه‌ز کریە: «هەر دو ژی ئەندامێن یەکیتیا نشتمانیا کوردستانێ (یه‌نه‌كێ)نە و دو ئارمانجێن وان ژ ڤێ یەکێ هەبوویە، یا یەکەم دانینا قەلەمێن سەختەیە کو دەنگێن ناڤەندا دەنگدانێ پووچ بکن، ژ بەر کو یه‌نه‌كه ل هەولێرێ د رەوشەکە خراب دا یە، یا دویەمین ژی گرتنا پێنووسێن ئۆریژینالە کو دبە کو ئەو بخوازن ل جیهەک ژ بۆ مەبەستێن ساخته‌كاریێ بکار بینن».
ل گۆر زانیاریێن باسنیۆزێ، دبه ئەڤ یەک کۆمپلۆیا رێخستنەکە سەختەکار بە، ژ بەر کو پێنووسا سەختە یا کو تێ بکارئانین ب هێسانی نایێ پەیداکرن و بەلکی ب ئاوایەکی رێخستنی ل سەر سەختەکاریێ کار کرییە.
