دەنگدانا هلبژارتنێن پارلامەنتۆیا کوردستانێ ئیرۆ ساعەت 7:00ێ دەست پێ کر و ساعهت 18:00ان خەلاس بوو، كۆمسیۆنا هلبژارتنان دبێژه: راگهاندنا ئهنجامان دێ د 24 ساعهتێن پێش مه ده بن.
خەلکێ هەرێما کوردستانێ ئیرۆ ساعهت 07:00ان چوو سەر سندۆقان و دەنگێ خوە دا پارتی، لیستە و نازمەدێن سەربخوە.
ل 4 هەرێمێن هلبژارتنێن مافێ دەنگدانێ یێ 3 ملیۆن و 789 هەزار کەسان هەیە.
د ڤان هلبژارتنێن دە دێ جارا ئەول خەلکێ ب رێیا سیستەما ئەلەکترۆنیک دەنگێ خوە دا و دەنگ ژی ب رێیا سیستەما ئەلەکتۆرینیک تێن هەژمارتن.
کۆمیسیۆنا بلندا سەربخوە یا هلبژارتنێن ئیراقێ چاڤدێریا هلبژارتنان دکە.
هەر وها ژ بۆ دەنگ زوو و راست بێن هەژمارتن ژی جیهازێن ب ناڤێ PECOS هاتن بکارئانین.
سەرۆکێ کۆمیسیۆنا بلندا سەربخوە یا هلبژارتنانا ئیراقێ حەکیم عومەر ئەحمەد راگهاند کو هلبژارتنێن ڤێ جارێ دێ گەلەکی زەلال و پێباوەر بن.
ژ بۆ هلبژارتنێن هەیاما شەشەمین، هەزار و 191 نامزەد (823 مێر و 368 ژن) دێ ژ بۆ 100 کورسیان هەڤرکیێ بکن.
ژ ڤان نامزەدان 38 کەس ژ بۆ کورسیێن کۆتایێ دکەڤن هەڤرکیێ. 5 کورسیێن پارلامەنتۆیێ ژ بۆ پێکهاتەیان هاتنە ڤەقەتاندن.
دەنگدەران د هلبژارتنێن بەرێ دە بخوەستا وان دکاریبوو ل سەرانسەرێ هەرێما کوردستانێ دەنگێ خوە بدن هەر پارتی و هەر نامزەدی. لێ د ڤان هلبژارتنان دە هەر دەنگدەر دێ بکاربە تەنێ دەنگێ خوە بدە پارتی و نامزەدێ هەرێما خوە.
ل گۆری ڤێ یەکێ، هەولێر ب 34 کورسیان، سلێمانی ب 38 کورسیان، دهۆک ب 25 کورسیان و هەلەبجە ژی ب 3 کورسیان تێن تەمسیلکرن.