ب هەلکەفتا سەرکەتنا په‌ده‌كێ د پرۆسەیا هلبژارتنێن گەرا شەشێ یا پەرلەمانا کوردستانێ دە و مانا وێ وەکی پارتیا یەکێ یا کوردستانێ، جیگرێ سەرۆکێ پارتیا دەمۆکراتا کوردستانێ (په‌ده‌كێ) راگەهاند، «ئەم ب سەر کەتن و وان نەکاری».
جیگرێ سەرۆکێ پارتیا دەمۆکراتا کوردستانێ (په‌ده‌كێ) مەسروور بارزانی دوهـ (دوشەمێ، 21.10.2024) ب هەلکەفتا سەرکەتنا په‌ده‌كێ د پرۆسەیا هلبژارتنێن گەرا شەشێ یا پەرلەمانا کوردستانێ دە پەیامەک ئاراستەیی وان ئالیان کر یێن کو درووشمێن وان «بداویئانین و تێکدان» بوون و گۆت: «ئەم ب سەر کەتن و وان نەکاری».
جیگرێ سەرۆکێ پارتیا دەمۆکراتا کوردستانێ هەروەسا گۆت: «سپاس ژ بۆ خودێ و پشتەڤانیا خەلکی و باوەریا وان، ئەم ب سەر کەتن».
جیگرێ سەرۆکێ پارتیا دەمۆکراتا کوردستانێ (په‌ده‌كێ) مەسروور بارزانی ل رۆژا 02.10.2024ێ د چارچۆڤەیا جڤینا خوە یا ب خوەندەکار، لاو و ژنان رە ل هەولێرێ ئاماژە دابوو، «هن ئالی هەبوون پێشتر و نها ژی بزاڤێ دکن کو قەوارەیا هەرێما کوردستانێ نەهێلن لێ نکارن». هەروەسا گۆتبوو، «بەرسڤا مە ژ وان رە یەک پەیڤە؛ نکارن».
وان نەکاریە ژ بەر کو ڤی وەلاتی خوەدی هەنە
مەسروور بارزانی رۆن ژی کربوو، «وان پێشتر ژی بزاڤ کر ڤێ قەوارەیێ نەهێلن. ئەڤ نها نینە، ئەو پێشتر ژی تەڤلی پلانێن لاوازکرنا ڤێ قەوارەیێ بوونە. ئەو ئامادە بوون خوە ژی تێ ببن، ژ بۆ کو ئەڤ حکوومەت و دەستهلاتداری راستی شکەستنێ بێ، کو ل ژێر سەرکرداتیا په‌ده‌كێ بوو. بزاڤێن وانێن نها نینن، بزاڤێن وان بەردەوام بوونە لێ وان نەکاریە ژ بەر کو ڤی وەلاتی خوەدی هەنە، ڤی وەلاتی پارێزەر هەنە، خوەدیێن ڤی وەلاتی هوونن، پارێزەرێن ڤی وەلاتی ژی پێشمەرگەنە».
جیگرێ سەرۆکێ پارتیا دەمۆکراتا کوردستانێ ئاماژە ژی دا، «چ کەس و ئالی نکارن کاروانێ په‌ده‌كێ راوەستینن، نکارن ڤێ قەوارەیێ تێک ببە».
