د ئەنجاما ئێریشێن هێزێن ترکیەیێ ل سەر ناڤچەیێن جودایێن رۆژئاڤایێ کوردستانێ دە، 4 کەس هاتن کوشتن و 14 کەس ژی بریندار بوون.
مەدیایا نێزیکی هێزێن سووریەیا دەمۆکراتیک (هه‌سه‌دێ) راگهاند، ئارتێشا ترکیەیێ شەڤا بۆری هەژمارەک جهـ و خالێن ل تەل رفعەت، تەل تەمر، منبج، کۆبانێ، دێرکێ و قامشلۆ بۆمبەباران کرن.
دیار کر ژی، د ئێریشا ل سەر باژارۆکێ تەل رفعەتێ یێ ل باکورێ حەلەبێ دە، 4 کەس هاتن کوشتن و 10 کەس ژی بریندار بوون.
دا زانین ژی، ل باژارێ قامشلۆ ژی د ئەنجاما بۆمبەبارانا ناڤەندەکە هێزێن ئەولەهیێ دە، 3 سڤیل بریندار بوون.
هات راگهاندن ژی، ل دێرکێ ژی کارگەهەکە گازێ هات بۆمبەکرن و د ئەنجامێ دە کارکەرەک بریندار بوو.
ل گۆری ئامارێن رەوانگەها سووری یا مافێن مرۆڤان، ئارتێشا ترکیەیێ ژ دەستپێکا سالا 2024ان ڤە 103 جاران ئێریشی ناڤچەیێن جودایێن رۆژئاڤایێ کوردستانێ و رێڤەبەریا خوەسەر کریە و د ئەنجامێ دە، 34 کەس هاتنە کوشتن و 55 کەسان بریندار بوونە.
