عه‌بدوللا ئۆجالان رادگهینە: «ئەگەر مەرج و دەرفەت هەبن، ئەز خوەدی وێ هێزێ مە کو بکارم پێڤاژۆیێ ژ قۆناخا توندیێ بگوهەرینم بۆ زەمینەکە سیاسی».
پارلامەنتەرێ دەم پارتیێ یێ رهایێ و برازایێ عه‌بدوللا ئۆجالان، عومه‌ر ئۆجالان دوهـ سەردانا گرتیگەها تایبەتا ئیمرالی کر و هەڤدیتن ب عوبدوللا ئۆجالان رە کر.
عومه‌ر ئۆجالان گۆت: د هەڤدیتنێ دە عه‌بدوللا ئۆجالان گۆتیە: «ئەگەر دەرفەت و مەرج ئاڤا ببن، ئەز دکارم پێڤاژۆیێ ژ قۆناغا پەڤچوون و شەر و توندیێ بگوهەرم بۆ قۆناخەکی یاسایی و سیاسی و ئەو هێزا من یا تەئۆریک و پراتیک هەیە».
د ڤێ دەربارێ دە پارلامەنتەر عومه‌ر ئۆجالان د تۆرا خوە یا جڤاکی Xێ دە راگەهاند: «رۆژا 23یێ جۆتمەهێ ئەز چووم گراڤا ئیمرالیێ و من ل گەل برێز ئۆجالان هەڤدیتن پێئکانی. هەڤدیتن د چارچۆڤەیا هەڤدیتنا مالباتی دە بوو».
دا زانین ژی، «برێز ئۆجالان دەربارێ قۆناغا سیاسی و پێشکەتنان دە نرخاندنێن گرنگ کرن و خوەست کو ئەز پەیاما وی بگەهینم دەرڤە؛ تەجرید بەردەوام دکە. ئەگەر مەرج و دەرفەت ئاڤا ببن ئەز دکارم پێڤاژۆیێ ژ پەڤچوون و توندیێ ڤەگوهێزم بۆ زەمینەکە یاسایی و سیاسی. ئەو هێزا منا تەئۆریک و پراتیک ژی هەیە».
ئۆمەر ئۆجالان ئاماژە ب وێ ژی کر: «تەندورستیا عه‌بدوللا ئۆجالان ژی گەلەک باشە و سلاڤێن وی ژ بۆ هەرکەسی هەبوون».
