هێزێن سووریەیا دەمۆکراتیک (ههسهدێ) راگهاند، ئارتێشا ترکیەیێ 42 جهـ و خال کرن ئارمانج و د ئەنجامێ دە 12 کەس هاتن کوشتن کو د ناڤا وان دە سڤیل هەنە.
ناڤەندا راگهاندن ههسهدێ ب داخویانیەکێ ئاشکەرە کر، ئارتێشا ترکیەیێ 42 جهێن کو هەموو سازیێن خزمەتگوزاری و سڤیل بوون، ل ناڤچەیێن جودایێن رۆژئاڤایێ کوردستانێ کرن ئارمانج.
دیار کر ژی، ئەنجاما ئێرشێن ترکیەیێ دە، 2 ژێ زارۆک، 12 سڤیل هاتن کوشتن و 25 سڤیل ژی بریندار بوون، کو رەوشا هنان گران.
پشتی داخویانیا ناڤەندا راگهاندن ههسهدهێ، ئەندامەکی هێزێن ئاسایشێ ل کۆبانێ ژ بەر گرانیا برینێن خوە، جانێ خوە ژدەست دا.
ل گۆری داخویانیێ، جهێن کو هاتنە ئارمانجکرن، نانپێژخانە، ستاسیۆنێن کەهرەبێ و پەترۆلێ و خالێن کۆنترۆلێ یێن هێزێن ئەولەکاریا هوندرین (ئاساییش) و جهێن سڤیل بوون.
هەر د ڤێ دەربارێ دە، فەرماندارێ گشتییێ ههسهدێ مەزلووم عەبدی ل هەژمارا خوە یا تۆرا جڤاکی «X» راگهاند، «ترکیە ب ئاوایەکی بێ سەرووبەر و بێ بنگەهـ هەرێمێن مە بۆمبەباران دکە، ناڤەندێن خزمەتگوزاری و تەندورستیێ و سڤیلان دکە هەدەف. ئەڤ سووجێن شەرن».