ئارتێشا ترکیەیێ چەند جھ و خالێن ل باژارێن قامشلۆ و دێرکێ یێن رۆژئاڤایێ کوردستانێ بۆمبەباران کرن.
مەدیایا خوەجھی بەلاڤ کر، ئارتێشا ترکیەیێ ئیرۆ 26 جۆتمەھێ 3 جاران ل ناڤەندەکا ئەرکێ خوەپاراستنێ ل تاخا مەیسەلۆن یا قامشلۆ دا.
ھات راگھاندن ژی، ئارتێشا ترکیەیێ کارگەھا ماست و پەنێری و گەراجەکا چاککرنا ئۆتۆمۆبیلان ل باژارێ دێرکێ بۆمبەباران کرن.
ھەتا نھا ت زانیاری ل سەر زیانێن جانی و مادی یێن ڤان ئێریشێن ترکیەیێ نەھاتنە زانین.
ترکیەیێ د چەند رۆژێن بۆری دە ئێریشێن خوە ل سەر رۆژئاڤایێ کوردستانێ توندتر کریە و ل گۆری ئامارێن رەوانگەھا سووری بۆ مافێن مرۆڤان، ترکیەیێ د 48 دەمژمێرێن بۆری دە 28 جھ و خال کرنە ئارمانج، تێ دە نێزیکی 17 کەسان ھاتنە کوشتن و 56 کەس ژی بریندار بوونە.
