120 ئارمانجێن په‌كه‌كێ ل باشوور و رۆژئاڤا كوردستانێ ژ 24 جۆتمه‌هێ ڤه كه‌تنه به‌ر ئێریشێن ئاسمانی یێن ده‌وله‌تا ترك، هات راگهاندن 21 چه‌كدارێن په‌كه‌كێ و هه‌سه‌دێ د ئێریشان ده هاتنه كوشتن.
ئاژانسا ئه‌نادۆلو یا ده‌وله‌تا ترك به‌لاڤ كر كو ل رۆژێن 24، 25 و 26ی جۆتمه‌ها 2024ێ و د تۆلهلدانا ئێریشا ل دژی شرکەتا ئانۆنیما پیشەسازیا فەزایێ و ئاسیمانگەریێ یا ترک (توساش) یا ل کاهرامانکازانێ، 120 ئارمانجێن په‌كه‌كێ و یه‌په‌گێ هاتنه بۆمبه‌باران كرن.
ده‌ستنیشان كر، د ئێریشان ده 21 چه‌كدارێن په‌كه‌كێ و هه‌سه‌دێ هاتنه كوشتن، 17 ژێ ل رۆژئاڤا كوردستانێ نه.
د ڤێ ده‌ربارێ ده وه‌زاره‌تا پاراستنا نه‌ته‌وی یا تركیێ راگهاند كو ئێریشێن وان یێن ل دژی په‌كه‌كێ و یه‌په‌گێ وێ بێ ناڤبەر بدۆمین.
