میتێ بەرپرسێ په‌كه‌كێ سەرکان نازلەر كوشت

ئیستخباراتا ده‌وله‌تا ترك میتێ، به‌رپرسه‌كێ په‌كه‌كێ یێ ب ناڤێ سەرکان نازلەر کو د لیستا ره‌نگ سۆرا کەسێن داخوازكری ده‌ بوو كوشت.

ل گۆر ئاگاهیا کو ئاژانسا ئه‌نادۆلێ ژ چاڤکانیێن ئەولەهیێ گرتنه‌، به‌رپرسێ په‌كه‌كێ نازلەر کۆدناڤێ وی “سەفکان ئامەد”ە، پلانکارێ چالاکیێن كو رێخستن ل ترکیەیێ دكه‌.

هات راگهاندن كو میتێ سه‌ركان نازله‌ر ل هه‌رێما خاكوركێ یا ل باشوورێ كوردستانێ ب ئۆپه‌راسیۆنه‌كێ كوشتیه‌.

نازلەر د کاتەگۆریا سۆرا لیستەیا کەسێن داخواز كری ده‌ بوو و پلانکارێ ئێریشا ب رۆکەتان یا کو د 2019ان دا ل باشوورێ كوردستانێ ل دژی بارەگەهه‌كه‌ ئارتێشا ترکیەیێ هات کرن، بوو.