رێڤەبەریا خوەسەر: ئێریشێن ترکیەیێ ھەرێمێ بەر ب قۆناغەکا مەترسیدار ڤە دبە

رێڤەبەریا خوەسەر ئێریشێن ترکیەیێ شەمەزار دکە و بانگ ل دەستوەردانێ ل ھێزێن ناڤدەولەتی کر کو رێ ل پێشیا ڤان ئێریشان بگرن.

رێڤەبەریا خوەسەر ئیرۆ 27 جۆتمەھێ ئێرشێن ئارتێشا ترکیەیێ یێن د 4 رۆژێن بۆری دە شەرمەزار کر و گۆت، “د ناڤا 4 رۆژان دە ترکیەیێ ئێریشێن ئاسمانی ئانین سەر بنەسازی و ھەرێمێن کو سڤیل لێ دژین. ھەر وھا چەتەیێن وێ ئێریشێن بەژاھی پێک ئانینە، سڤیل و شێنیێن عەفرینێ کو نەچاری کۆچبەریێ بوونەیێن ل ھەرێمێن شەھبا و شێخمەقسوود کرنە ئارامانج.”

د داخویانیێ دە ھات گۆت: “ئێریش بێیی ت ھنجەتێن رەوا تێنە کرن، تێ خوەستن رەوشێن ئابۆری ب رێیا ئارمانجکرنا سازی و ناڤەندێن خزمەتگوزەریێ بخن خەتەریێ. ئەڤ ئێریش خەتەریەکە مەزن ل سەر رەوشا مرۆڤاھی، خزمەتگوزەری و جڤاکی چێدکە.”

د بەردەواما داخویانیێ دە بال ھات کشاندن کو ئەگەر ئێریش دەوام بکن، دێ ب خوە رە ئەنجامێن خەتەرناک دەرخینە و ئەڤ خەتەری وھا ھاتن رێزکرن:

– دەرخستنا کارەستەکە مرۆڤی و ئابۆری

– گەفێن ل دژی ھەولدانێن تونەکرنا تەرۆرێ

– زیانێن ل سەر ھەموو سەکتۆرێن چاندنی، پیشەسازی، خزمەتگوزەری و فرنەیان. ئەڤ سازی دێ ژ خزمەتێ دەرکەڤن.

– گەفان ل ژیانا 5 ملیۆن شێنیێن رەسەن و کۆچبەرێن ل ھەرێمێن رێڤەبەریا خوەسەر بکە

– گەفان ل خەباتێن دەستەکدایینا ئارامیێ و پێشخستنا چارەسەریا دەمۆکراتیک ل سووریێ بکە

– گەفان ل گرتیگەھان دخە و خەتەریێ چێدکە، ئەڤ ژی دێ بھێلە کو تەرۆریست سوودێ ژێ بگرن و ئەڤ ژی دێ ببە گەفەک ل دژی تەدبیرێن پاراستنا ڤان دەڤەران.”

د داخویانیێ دە بانگ ل ھێزێن ھەڤپەیمانیا ناڤدەولەتی، رووسیا، ھەموو سازیێن یاسایی و مرۆڤی ھات کرن کو ئەنجامێن ڤان ئێریشان ببینن، رێ ل پێشیا وان بگرن، کۆمیتەیێن لێپرسینێ ئاڤا بکن و حەساب ژ سووجداران بخوازن.

د داویا داخویانیێ دە ھات دیارکرن، د 4 رۆژێن بۆری دە، 118 ئێریش ب درۆنان، 20 ئێریش ب فرۆکەیێن شەر و 893 ب تۆپێن ھاوانان ھاتنە ل سەرانسەری رۆژئاڤایێ کوردستانێ ھاتنە کرن، تێ دە 17 کەس ھاتنە کوشتن و 65 کەس ژی بریندار بوونە.

ھەروھا ژ ئەنجاما ئێریشان وێستگەهێن ئەلەکتریکێ یێن ناڤچەیێن جودا ھاتنە بۆمبەبارانکرن و زێدەتری 150 ھەزار مالبات ژ ئەلەکتریکێ بێپار مان. ھەروھا ژ بەر قوتبوونا ئەلەکتریکێ، ئاڤا ڤەخوارنێ ژی قوت بوویە.