ب سەدەما دەستوەردانا بەردەواما پەکەکێ د تەڤ کاروبارێن رۆژئاڤا کوردستانێ دە، پرسگرێک و ناکۆکیێن بەردەوام دەردکەڤن هۆلێ، ئەڤ ژی بوویە سەدەم د ناڤبەرا کادرۆیێن پەکەکێ ب خوە دە ژی پرسگرێک و ناکۆکی دەرکەڤن.
چاڤکانیێن پێگەها دارکا مازی ئەشکەرە کرن، ب سەدەما دەستوەردانێن بەردەوام یێن پەکەکێ د کاروبارێن لەشکەری و سڤیل یێن رۆژئاڤا کوردستانێ دە، د ناڤبەرا دو کادرۆیێن پەکەکێ کو یەک ژ وان ب ناڤێ حەمزە محەمەد ئیبراهیمە و ژ شێنیێن رۆژئاڤا کوردستانێ یە و بەرپرسێ گشتی یێ چەکێن گران یێن هێزێن هەسەدێ یە ل باژارۆکێ منبجێ یێ سەر ب پارێزگەها حەلەبێ و دێرسم ئامەد دە کو ژ شێنیێن باکورێ کوردستانێ یە و بەرپرسا گشتی یا لەشکەری یا هەسەدێ یە ل باژارۆکێ منبجێ، پرسگرێک و ناکۆکیێن کوور دەرکەتنە، لۆما ژ بەر ڤێ یەکێ د 12/10/2024 دە حەمزە ژ هەسەدێ ڤەقەتیایە و ل سینۆرێ پارێزگەها حەلەبێ خوە رادەستی رەژێما سووریەیێ کریە.
چاڤکانیێن مە هەر وەها تەکەز کرن، پاش کو ئەڤ کادرۆیێ پەکەکێ ژ ئالیێ رەژێما سووریەیێ ڤە بۆ باژارێ دیمەشقێ هاتیە ڤەگوهەستن، هەسەدێ داخواز ژ رەژێمێ کریە حەمزە تەسلیمی وان بکن، لێ بەلێ رەژێما سووریەیێ ل سەر داخوازا هەسەدێ رازی نەبوویە.
رەژێمێ ژ بەرپرسێن هەسەدێ رە راگهاندیە، حەمزە ب کێفا دلێ خوە ژ هەسەدێ قوت بوویە و خوە رادەستی مە کریە، لۆما ب ت ئاوا ئەم وی رادەستی وە ناکن.
