رێخستنا په‌كه‌كێ ب ته‌رزێ ته‌رۆریستان ده‌ست ئاڤێتییه TNT كرنا رییا هنه‌ك ژ گوندێن ده‌ڤه‌را ئامێدیێ، رییه‌كا سه‌ره‌كه ژی ته‌قاندن و ره‌وشا هاتنوچووینێ ب ته‌مامی تێكدایه. هێزێن پێشمه‌رگه ژی ئیرۆ دوو ماینێن په‌كه‌كێ ل سه‌ر ڕێیا دناڤبه‌را دێره‌لۆكێ و ئامێدیێ ده ته‌قاندن.
چاڤكانیێن داركا مازی یێن ل باشوورێ كوردستانێ ئاشكه‌ره كرن، چه‌ند رۆژان به‌رێ چه‌كدارێن په‌كه‌كێ چه‌ندین جیهێن حه‌ساس و رییا هاتنوچووینا وه‌لاتییان ل سینۆرێ پارێزگه‌ها دهۆكێ TNT كربوو، یێك ژ ڤان كریارێن ته‌رۆریستی یێن په‌كه‌كێ ل شه‌ڤا 24 سه‌ر 25 جۆتمه‌ها ئیسال 2024ێ پێكهات وه‌ختا رییه‌كا سه‌ره‌كه ل ده‌ڤه‌را ئامێدیێ ته‌قاندی.
چاڤكانیێن مه ده‌ستنیشان كرن، ل شه‌ڤا 25ی ڤێ مه‌هێ چه‌كدارێن په‌كه‌كێ رییا سه‌ره‌كه یا نێڤبه‌را كۆمه‌لگه‌ها مێرسته‌كێ و گوندێ ئاشكێ ل سینۆرێ قه‌زایا ئامێدیێ ب TNTیێ هات ته‌قاندن.
ئاماژه كرن، ته‌قاندنا ڤێ ریێ بوو سه‌ده‌ما تێكدانا ره‌وشا هه‌مولاتیێن ده‌ڤه‌رێ و هاتنوچووینا وان.
ژ سالا 2020 ڤە ب دەهان مایین و TNT یێن پەکەکێ ل سینۆرێ پارێزگەهیا دهۆکێ تەقیانە کو پەکەکێ پرانی ژێ ل سەر رییا پێشمەرگەهان د دانان، ل نیسانا سالا رابووری 2023ێ هه‌ر د ته‌قینا TNT یه‌كه په‌كه‌كێ ده، وه‌لاتیه‌كی ده‌ڤه‌را ئامێدیێ ب ناڤێ «دلشاد عه‌بدولره‌حمان» ژیانا خوه ژ ده‌ست دا و هه‌ڤالێ وی یێ ب ناڤێ «نه‌جیب عومه‌ر» بریندار كه‌تبوو.
