چەتەیێن پەکەکێ “جوانێن شۆرەشگەر” 3 زارۆکێن دن رەڤاندن

رێخستنا چەتە یا ب ناڤێ “جوانێن شۆرەشگەر” یا سەر ب پارتیا کارکەرێن کوردستانێ (پەکەکێ)ڤە 3 زارۆکێن دن یێن تەمەن بچووک یێن ژ باژارێن منبج، قامشلۆ و حەسەکێ ب ئارمانجا تەڤلیکرنا وان د ناڤا رەفێن پەکەکێ دە رەڤاندن.

تۆرا چاڤدێریا مافێن مرۆڤان یا سووریێ راگھاند کو وێ د 25ێ جۆتمەھێ دە، رەڤاندنا 3 زارۆکان ژ ئالیێ رێخستنا “جوانێن شۆرەشگەر” ڤە بەلگە کریە، ناڤێن زارۆکێن هاتینە رەڤاندن ژی ئەڤن: خالد یاسین ئەل-عەبد ژ منبجێ، محەمەد حەسەن ژ حەسەکێ و ئەحمەد حەموود لەتیف ئەل-سیاد ژ قامشلۆ.

تۆرەیێ هەر وەها راگھاند، ھەر سێ زارۆک د سالا 2011 دە ژ دایک بوونە، و تەڤی هەولێن مالباتێن ڤان زارۆکان ژ بۆی ڤەگەراندنا وان و سەرەدانا ناڤەندێن گرێدایی پەیەدێ و هەسەدێ، لێ بەلێ هەولێن وان تێکچوونە و ئەو نەکارینە زارۆکان بۆ مال و دبستانێ ڤەگەرینن.