زێدەتر ژ 16 کیلۆ مادەیێن ھشبەر ھات دەستەسەرکرن و 43 بازرگانێن مەزن یێن مادەیێن ھشبەر ھاتن گرتن.
رێڤەبەریا نەھیشتنا مادەیێن ھشبەر ئیرۆ 31/10/2024 د داخویانیەکێ دە راگھاند، “د بەردەوامیا ھەولێن دەزگەھا مە د رووبرووبوونا مادەیێن ھشبەر دە، ژ دەستپێکا ڤێ مەھێ ھەتا 31ێ مەھێ، ھەژمارەکە ئۆپەراسیۆنێن سەرکەفتی ھاتن کرن.
ھەروەھا ھات راگەھاندن: “د ئۆپەراسیۆنان دە، مە کاری 43 فرۆشیار و بازرگانێن مەزن یێن مادەیێن ھشبەر بگرن و دەست دەینن سەر زێدەتر ژ 16 کیلۆگرام مادەیێن ھشبەر.”
د داخویانیێ دە ھات گۆتن، ھەژمارەک ژ گرتیان بازرگانێن مەزنن، د ناڤ وان دا بازرگانێن ناڤدەولەتی ژی ھەنە و تۆرێن وان ھاتنە ھلوەشاندن.
ل گۆر ھەمان داخویانیێ، ژ بۆ ڤان ھەموو چالاکیان، پێشتر فەرمانێن دادوەرێ لێپرسینێ یێن ئاساییشێ ھاتبوون وەرگرتن و تەدبیرێن یاسایی ھاتبوون گرتن.
ھەروەھا ھات راگەھاندن: “ھەموو تاوانبار رادەستی یاسایێ ھاتن کرن و دێ د چارچۆڤەیا یاسا رووبرووبوونا مادەیێن ھشبەر دە بێن دارزاندن.”
