گرووپێن چەکدارێن ئۆپۆزیسیۆنا سووریەیێ یێن لگەل ئارتێشا ترکیەیێ ھەرێما عەفرینێ داگیر کرین، 5 کەس رەڤاندن.
رەوانگەھا سووری یا مافێ مرۆڤان بەلاڤ کر، گرووپا ب ناڤێ “پۆلیسێن لەشکەری” کوردەک ل گوندێ برکا یێ ل ناڤچەیا مابەتا رەڤاند و بەر ب جھەکی نەدیار بر.
دا زانین ژی، ل ناڤچەیا جندرێسێ 2 کەسێن کو د داما داوی دە ژ لبنانێ ڤەگەریابوون، ب تۆھمەتا کو بەرێ پێوەندی لگەل رێڤەبەریا خوەسەر ھەبوو، ھاتن رەڤاندن.
رەوانگەھێ دا زانین ژی، ل ناڤچەیا شەرا 2 وەلاتی ژ ئالیێ گرووپا ئەل-جەبھا ئەل-شامیێ ھاتن رەڤاندن، لێ ل ھەمبەری 2 ھەزار دۆلاران ھاتن بەردان.
ل عەفرینێ کو نھا وەرزێ چنینا زەیتوونانە، ژ بلی دزی و تالانکرنا زەیتوونان و فەرزکرنا باجێن گران ل سەر جۆتکاران ژ ئالیێ گرووپێن چەداران ڤە، وەلاتیان ژی درەڤینن و ل ھەمبەر ستاندنا پەرەیان، وان بەرددن.
